Advertisement
ರಾಜ್ಯ ವಕೀಲರ ಪರಿಷತ್‌, ತಾಲೂಕು ವಕೀಲರ ಸಂಘ ಹಾಗೂ ಕಾನೂನು ಸೇವಾ ಸಮಿತಿ ಆಶ್ರಯದಲ್ಲಿ ನಗರದ ನ್ಯಾಯಾಲಯ ಸಂಕೀರ್ಣದಲ್ಲಿ ಆಯೋಜಿಸಿರುವ 3 ದಿನಗಳ ಕಾನೂನು ಕಾರ್ಯಾಗಾರಕ್ಕೆ ಶುಕ್ರವಾರ ಚಾಲನೆ ನೀಡಿ ಮಾತನಾಡಿದ ಅವರು, ವಕೀಲರು ಕ್ರಿಯಾಶೀಲರಾಗಲು ಇಂತಹ ಕಾರ್ಯಾಗಾರ, ಉಪನ್ಯಾಸ ಮಾಲಿಕೆ ಅಗತ್ಯ ಎಂದರು.
ಸಮಾಜಕ್ಕೂ ಕೊಡುಗೆ ನೀಡಬಲ್ಲರು ಎಂದರು. ಪರೀಕ್ಷೆಗಳಿಗೆ ತರಬೇತಿ: ರಾಜ್ಯ ವಕೀಲರ ಪರಿಷತ್‌ ಅಧ್ಯಕ್ಷ ಕೆ.ಬಿ. ನಾಯಕ್‌ ಮಾತನಾಡಿ, ರಾಜ್ಯಾದ್ಯಂತ ಸ್ಥಳೀಯ ವಕೀಲರ ಸಂಘಗಳಿಗೆ ನಿಯಮಿತವಾಗಿ ಕಾನೂನು ಉಪನ್ಯಾಸ ಮಾಲಿಕೆ ಆಯೋಜಿಸಲು ಕೋರಲಾಗಿದೆ. ಇದಲ್ಲದೆ ರಾಜ್ಯದ ಮೂರ್‍ನಾಲ್ಕು ಕಡೆ ವಕೀಲರ ಪರಿಷತ್‌
ನಿಂದ ನ್ಯಾಯಾಧೀಶರ, ಸರ್ಕಾರಿ ಅಭಿಯೋಜಕರ ಹುದ್ದೆಗಳಿಗೆ ನಡೆಯುವ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತರಬೇತಿ ಆಯೋಜಿಸಲು ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದರು.
Related Articles
Advertisement
ಅಧ್ಯಕ್ಷತೆ ವಹಿಸಿದ್ದ ವಕೀಲರ ಸಂಘದ ಅಧ್ಯಕ್ಷ ನಾಗರಾಜ್‌ ಹಲವಾಗಲು ಮಾತನಾಡಿ, ಕಲಿಕೆ ನಿರಂತರವಾಗಿದ್ದು, ಸತತ ಅಧ್ಯಯನಶೀಲರಾದಾಗ ಮಾತ್ರ ವೃತ್ತಿಯಲ್ಲಿ ಪ್ರಬುದ್ಧರಾಗಲು ಸಾಧ್ಯ. ನಿರಂತರ ಶ್ರಮ ಹಾಗೂ ಕಠಿಣ ಅಭ್ಯಾಸದಿಂದ ಮಾತ್ರ ಉತ್ತಮ ವಕೀಲರಾಗಿ ರೂಪಗೊಳ್ಳಲು ಸಾಧ್ಯ ಎಂದರು.
ನ್ಯಾಯಾಧಿಧೀಶರಾದ ಸುಮಲತಾ ಬಿ., ಅವಿನಾಶ್‌ ಚಿಂದು ಎಚ್‌., ವಕೀಲರ ಸಂಘದ ಉಪಾಧ್ಯಕ್ಷೆ ಶುಭ ಕೆ.ಎಸ್‌., ಕಾರ್ಯದರ್ಶಿ ಎಚ್‌. ಎಚ್‌.ಲಿಂಗರಾಜ್‌, ಸಹ ಕಾರ್ಯದರ್ಶಿ ರಮೇಶ್‌ ಜಿ.ಬಿ., ಹಿರಿಯ ವಕೀಲರಾದ ಬಿ.ಹಾಲಪ್ಪ, ಕಿತ್ತೂರು ಶೇಖ್‌ ಇಬ್ರಾಹಿಂ, ಎಂ.ನಾಗೇಂದ್ರಪ್ಪ, ಶ್ರೀನಿವಾಸ್‌ ಕಲಾಲ್‌, ಅಪರ ಸರ್ಕಾರಿ ವಕೀಲ ಕೆ.ಚೆನ್ನಪ್ಪ ಮತ್ತಿತರರಿದ್ದರು.
ವಿಚಾರ ಗೋಷ್ಠಿ: ಗೋಷ್ಠಿಯಲ್ಲಿ ಭಾರತೀಯ ಸಾಕ್ಷ್ಯ ಅಧಿ ನಿಯಮದ ಸಾಬೀತಿನ ಹೊಣೆ ವಿಷಯ ಕುರಿತು ಹೈಕೋರ್ಟ್ ನಿವೃತ್ತ ನ್ಯಾಯಮೂರ್ತಿ ಎಚ್‌.ಬಿಲ್ಲಪ್ಪ, ಪಾಟಿಸವಾಲು ಕಲೆ ಕುರಿತು ಹಿರಿಯ ವಕೀಲ ರಾಮಚಂದ್ರ ಕಲಾಲ್‌ ಮತ್ತು ಹಿಂದೂ ಉತ್ತರಾ ಧಿತ್ವ ಮತ್ತು ಪಾಲು ವಿಭಾಗ ವಿಷಯ ಕುರಿತು 1ನೇ ಹೆಚ್ಚುವರಿ ಸಿವಿಲ್‌ ಮತ್ತು ಜೆಎಂಎಫ್‌ಸಿ ನ್ಯಾಯಾಧೀಶೆ ಸುಮಲತಾ ಬಿ. ವಿಷಯ ಮಂಡಿಸಿ, ಸಂವಾದ ನಡೆಸಿದರು.