ಪಾಕಿಸ್ತಾನ; ಲಾಹೋರ್ ಬಾಂಬ್ ಸ್ಫೋಟಕ್ಕೆ 7 ಮಂದಿ ಬಲಿ

ಲಾಹೋರ್: ಪಾಕಿಸ್ತಾನದ ಬೃಹತ್ ನಗರಿ ಎಂದೇ ಖ್ಯಾತಿ ಹೊಂದಿರುವ ಲಾಹೋರ್ ನಲ್ಲಿ ಗುರುವಾರ ಮತ್ತೆ ಉಗ್ರರು ಬಾಂಬ್ ದಾಳಿ ನಡೆಸುವ ಮೂಲಕ ಅಟ್ಟಹಾಸಗೈದಿದ್ದಾರೆ.

ನಗರದ ಡಿಎಚ್ ಎ ಪ್ರದೇಶದ ನಿರ್ಮಾಣ ಹಂತದಲ್ಲಿರುವ ಕಟ್ಟಡದ ಸಮೀಪ ಬಾಂಬ್ ಸ್ಫೋಟ ಸಂಭವಿಸಿದ್ದು, ಘಟನೆಯಲ್ಲಿ 7 ಮಂದಿ ಸಾವನ್ನಪ್ಪಿದ್ದು, 15ಕ್ಕೂ ಹೆಚ್ಚು ಜನರು ಗಾಯಗೊಂಡಿರುವುದಾಗಿ ಮಾಧ್ಯಮದ ವರದಿ ತಿಳಿಸಿದೆ.

ಕಟ್ಟಡದ ಮುಂಭಾಗ ನಿಲ್ಲಿಸಿದ್ದ ಕೆಲವು ವಾಹನಗಳು ಸ್ಫೋಟಕ್ಕೆ ಸುಟ್ಟು ಹೋಗಿವೆ. ಸಮೀಪದ ಕಟ್ಟಡಗಳ ಕಿಟಕಿ ಗಾಜುಗಳು ಪುಡಿ, ಪುಡಿಯಾಗಿರುವುದಾಗಿ ವರದಿ ಹೇಳಿದೆ.