ಕೈವ್: ಹೊಸ ವರ್ಷದ ಸಂಭ್ರಮಾಚರಣೆಗೆ ಮುನ್ನ ಉಕ್ರೇನ್ ರಾಜಧಾನಿ ಮತ್ತು ಇತರ ನಗರಗಳನ್ನು ಗುರಿಯಾಗಿಸಿಕೊಂಡು ರಷ್ಯಾ ಕ್ಷಿಪಣಿ ದಾಳಿ ನಡೆಸಿದ ನಂತರ, 2023 ರಲ್ಲಿ ಒಂದು ಗಂಟೆಯೊಳಗೆ ಕೈವ್‌ನಲ್ಲಿ ಹೊಸ ಸುತ್ತಿನ ಸ್ಫೋಟಗಳು ಸಂಭವಿಸಿದವು.
ಹೊಸ ವರ್ಷದ ಸಂಭ್ರಮಾಚರಣೆಯಲ್ಲಿದ್ದ ಜನತೆಗೆ ಸುಮಾರು 30 ನಿಮಿಷಗಳಲ್ಲೇ ಎರಡು ಜಿಲ್ಲೆಗಳಲ್ಲಿ ರಷ್ಯಾ ಕ್ಷಿಪಣಿಗಳು ಶಾಕ್ ನೀಡಿದವು. ಯಾವುದೇ ಸಾವು ನೋವುಗಳ ಬಗ್ಗೆ ಇದುವರೆಗೆ ವರದಿಗಳಿಲ್ಲ.
ಇದಕ್ಕೂ ಮೊದಲು ಹೇಳಿಕೆ ನೀಡಿದ್ದ ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ, ‘ಉಕ್ರೇನಿಯನ್ನರು ವಿಜಯಶಾಲಿಯಾಗುವವರೆಗೂ ಹೋರಾಡುತ್ತಾರೆ’ ಎಂದು ಹೇಳಿದರು.
ಇದನ್ನೂ ಓದಿ:ದಯವಿಟ್ಟು ಪಂತ್ ರನ್ನು ನೋಡಲು ಆಸ್ಪತ್ರೆ ಕಡೆಗೆ ಬರಬೇಡಿ: ಡಿಡಿಸಿಎ ನಿರ್ದೇಶಕರ ಮನವಿ
“ನಾವು ಹೋರಾಡುತ್ತೇವೆ ಮತ್ತು ವಿಜಯ ಸಲುವಾಗಿ ಹೋರಾಡುವುದನ್ನು ಮುಂದುವರಿಸುತ್ತೇವೆ” ಎಂದು ಅವರು ಭಾಷಣದಲ್ಲಿ ಹೇಳಿದರು.
ಮಧ್ಯರಾತ್ರಿಗೂ ಕೆಲ ಸಮಯದ ಮೊದಲು ಕೈವ್ ನಲ್ಲಿ ಸುಮಾರು ಹನ್ನೊಂದು ಕಡೆ ರಷ್ಯಾ ಕ್ಷಿಪಣಿ ದಾಳಿ ನಡೆಸಿದೆ. ಹೊಸ ವರ್ಷಾಚರಣೆ ಸುಮಾರು ಅರ್ಧ ಗಂಟೆಯಲ್ಲೇ ಮತ್ತೆ ದಾಳಿ ನಡೆಸಲಾಗಿದೆ.
