Advertisement

ಕುಷ್ಟಗಿ : ಪಾಲಕರ ಕಣ್ತಪ್ಪಿಸಿ ಅಪ್ರಾಪ್ತೆಯ ಮದುವೆ : ಪೋಕ್ಸೋ ಕಾಯ್ದೆಯಡಿ ಯುವಕನ ಬಂಧನ

07:40 AM Sep 21, 2022 | Team Udayavani |

ಕುಷ್ಟಗಿ : ಅಪ್ರಾಪ್ತೆಯನ್ನು ಪ್ರೀತಿಸಿ, ಪಾಲಕರ ಕಣ್ತಪ್ಪಿಸಿ ಕರೆದೊಯ್ದು ದೇವಸ್ಥಾನದಲ್ಲಿ ತಾಳಿ ಕಟ್ಟಿ ಮದುವೆಯಾಗಿ ಸಂಸಾರ ಶುರು ಹಚ್ಚಿಕೊಂಡಿದ್ದ ಯುವಕನನ್ನು ಪೋಕ್ಸೋ ಕಾಯ್ದೆಯಡಿ ಬಂಧಿಸಲಾಗಿದೆ.

Advertisement

ಶಿರಹಟ್ಟಿ ತಾಲೂಕಿನ ರಣತ್ತೂರಿನ ರೇಣುಕಾಚಾರ್ಯ ಅಲಿಯಾಸ್ ಸಿದ್ದಾರ್ಥ ಜಡಿಸ್ವಾಮಿ ಮಠದ ಈತ ಗೋವಾದಲ್ಲಿ ಕಟ್ಟಡ ಕಾರ್ಮಿಕನಾಗಿ ಕೆಲಸಕ್ಕೆ ಇದ್ದ. ಕಳೆದ 6 ತಿಂಗಳ ಹಿಂದೆ ತಂದೆ,ತಾಯಿಯೊಂದಿಗೆ ವಲಸೆ ಬಂದಿದ್ದ ಕ್ಯಾದಿಗುಪ್ಪ ಮೂಲದ ಅಪ್ರಾಪ್ತೆ ಬಾಲಕಿ ಕೆಲಸಕ್ಕೆ ಹೋದಾಗ ಸದರಿ ಯುವಕನ ಪರಿಚಯವಾಗಿದೆ. ಪರಿಚಯ ಪ್ರೀತಿಗೆ ತಿರುಗಿದ್ದು ಸದರಿ ಯುವಕನಿಗೆ 20 ವರ್ಷ, ಅಪ್ರಾಪ್ತೆಗೆ 17 ವರ್ಷ 4 ತಿಂಗಳು.

ಅನ್ಯ ಜಾತಿ, ಅಪ್ರಾಪ್ತೆ ಎಂದು ಗೊತ್ತಿದ್ದರೂ ನೀನು ಬಹಳ ಚಂದ ಇದ್ದೀಯಾ.. ನಿನ್ನನ್ನೆ ಪ್ರೀತಿ ಮಾಡ್ತೇನೆ ಮದುವೆಯೂ ಆಗ್ತೇನೆ ಎಂದು ಯಾಮಾರಿಸಿದ್ದ.

ಕಳೆದ ಆಗಸ್ಟ್ 8 ರಂದು ಮೊಹರಂ ಹಬ್ಬಕ್ಕೆ ಅಪ್ರಾಪ್ತೆ ಬಾಲಕಿಯ ಕುಟುಂಬ ಕ್ಯಾದಿಗುಪ್ಪಕ್ಕೆ ಬಂದಿದ್ದ ವೇಳೆ, ಯುವಕ ಬಾಲಕಿಯನ್ನು ಚೊಳಚಗುಡ್ಡಕ್ಕೆ ಕರೆದೊಯ್ದು ಬಲತ್ಕರಿಸಿದ್ದ ಅಲ್ಲದೆ ಆಕೆಯನ್ನು ದೇವಸ್ಥಾನವೊಂದರಲ್ಲಿ ತಾಳಿಕಟ್ಟಿ ಮದುವೆಯೂ ಆಗಿದ್ದ ಎನ್ನಲಾಗಿದೆ. ಈ ಪ್ರಕರಣದ ಹಿನ್ನೆಲೆಯಲ್ಲಿ ಕಳೆದ ಸೆ.19ರಂದು ಪಾಲಕರು ಸ್ಥಳೀಯ ಪೋಲೀಸ್ ಠಾಣೆಗೆ ಮಗಳು ಅಪಹರಣ ಬಗ್ಗೆ ದ ದೂರು ನೀಡಿ ರೇಣುಕಾಚಾರ್ಯ ಮಠದ ಬಗ್ಗೆ ಶಂಕೆ ವ್ಯಕ್ತಪಡಿಸಿದ್ದರು.

ಪ್ರಕರಣ ದಾಖಲಿಸಿಕೊಂಡ ಕುಷ್ಟಗಿ ಪೊಲೀಸರು ಆರೋಪಿ ರೇಣುಕಾಚಾರ್ಯ ಮಠದ್ ವಶಕ್ಕೆ ತೆಗೆದುಕೊಂಡು ಅಪ್ರಾಪ್ತೆ ಬಾಲಕಿಯನ್ನು ಪಾಲಕರ ವಶಕ್ಕೆ ಒಪ್ಪಿಸಿದ್ದಾರೆ.

Advertisement

ಅಪ್ರಾಪ್ತೆಯ ದೂರಿನ ಮೇರೆಗೆ ರೇಣುಕಾಚಾರ್ಯ ವಿರುದ್ದ ಪೋಕ್ಸೋ ಕಾಯ್ಧೆ ಅಡಿ ಬಂಧಿಸಲಾಗಿದೆ ಎಂದು ಸಿಪಿಐ ನಿಂಗಪ್ಪ ರುದ್ರಪ್ಪಗೋಳ ಮಾಹಿತಿ ನೀಡಿದ್ದಾರೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next