Advertisement

ಕುಷ್ಟಗಿ: ಮಕ್ಕಳ‌‌ ಕಳ್ಳರು ಎಂಬ ಶಂಕೆ; ಪಾನಮತ್ತರು ಪೋಲಿಸರ ವಶಕ್ಕೆ

10:03 PM Sep 24, 2022 | Team Udayavani |

ಕುಷ್ಟಗಿ: ಪಾನಮತ್ತರಾಗಿ ಅನುಮಾನಸ್ಪದವಾಗಿ‌ ತಿರುಗಾಡುತ್ತ ಮನೆಯೊಂದರಲ್ಲಿ ಕುಡಿಯಲು ನೀರು ಕೇಳಿದ ಇಬ್ಬರು ವ್ಯಕ್ತಿಗಳನ್ನು ಮಕ್ಕಳ‌‌ ಕಳ್ಳರು ಎಂದು ಶಂಕಿಸಿ, ಪೊಲೀಸರು ವಶಕ್ಕೆ ತೆಗೆದುಕೊಂಡ ಪ್ರಕರಣ ಕುಷ್ಟಗಿ ಪಟ್ಟಣದ ವಾಸವಿ ನಗರದಲ್ಲಿ ನಡೆದಿದೆ.

Advertisement

ಸೆ. 24 ರಂದು ಸಂಜೆ ಇಬ್ಬರು ಅನುಮಾನಸ್ಪದವಾಗಿ ವರ್ತಿಸಿದ್ದಾರೆ. ತಿರುಗಾಡುವ ಸಂದರ್ಭದಲ್ಲಿ ಒಬ್ಬ ಮದ್ಯಪಾನ ಮಾಡಿ ಅಲ್ಲಿಯ ಒಂದು ಮನೆಗೆ ಹೋಗಿ ಕುಡಿಯುಲು ನೀರು ಕೇಳಿದ್ದ. ಕುಡಿದ ಅಮಲಿನಲ್ಲಿ ಅನುಮಾಸ್ಪದ ರೀತಿಯಾಗಿ ವರ್ತಿಸಿದ್ದರಿಂದ ಸಾರ್ವಜನಿಕರು ಇಬ್ಬರನ್ನು ಹಿಡಿದು ಮಕ್ಕಳು ಕಳ್ಳರು ಎಂದು ಅನುಮಾನಗೊಂಡಿದ್ದರು. ಕೂಡಲೇ ಸ್ಥಳೀಯ ಠಾಣೆಗೆ ದೂರು ನೀಡಿ ಪೊಲೀಸರಿಗೆ ಒಪ್ಪಿಸಿದ್ದಾರೆ.

ವ್ಯಕ್ತಿಗಳನ್ನು ಕೂಲಂಕಷವಾಗಿ ವಿಚಾರಣೆಯಲ್ಲಿ ಚಿತ್ತಾಪುರದ ಸುದರ್ಶನ (ಅಬ್ರಾಹಂ) ಇನ್ನೊಬ್ಬ ಗದಗ ದ ವಿಕ್ಕಿ ಎಂದು ತಿಳಿದು ಬಂದಿದೆ.

ಅನುಮಾಸ್ಪದ ರೀತಿಯಲ್ಲಿ ನೀರು ಹೇಳಿದ ಇಬ್ಬರು ವ್ಯಕ್ತಿಗಳು ಮಕ್ಕಳ ಕಳ್ಳತನ ಮಾಡಲು ಬಂದಿರುವುದಿಲ್ಲ ಎಂದು ಕೂಲಂಕಷವಾಗಿ ವಿಚಾರಣೆ ಮಾಡಿದಾಗ ತಿಳಿದು ಬಂದಿರುತ್ತದೆ. ಸಾರ್ವಜನಿಕರು ಇಂತಹ ವದಂತಿಗಳಿಗೆ ಕಿವಿಗೊಡಬಾರದು ಎಂದು ಸಿಪಿಐ ನಿಂಗಪ್ಪ‌ ರುದ್ರಪ್ಪಗೋಳ ಮಾಹಿತಿ‌ ನೀಡಿದ್ದಾರೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next