Advertisement

ಅಪ್ರಾಪ್ತ ಬಾಲಕಿ ಗರ್ಭಿಣಿ : ಪೋಕ್ಸೋ ಕಾಯ್ದೆಯಡಿ ಪ್ರಕರಣ ದಾಖಲು : ಆರೋಪಿ ಬಂಧನ

10:50 PM Jun 05, 2022 | Team Udayavani |

ಕುಣಿಗಲ್ : ಅಪ್ರಾಪ್ತೆ ಬಾಲಕಿಯೊಂದಿಗೆ ಲೈಂಗಿಕ ಸಂಬಂಧ ಬೆಳಸಿ ಗರ್ಭಿಣಿಯಾಗಿಸಿದ ಯುವಕನ ವಿರುದ್ದ ಕುಣಿಗಲ್ ಪೊಲೀಸ್ ಠಾಣೆಯಲ್ಲಿ ಪೋಕ್ಸೋ ಕಾಯ್ದೆಯಡಿ ಪ್ರಕರಣ ದಾಖಲಾಗಿ, ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ.

Advertisement

ತಾಲೂಕಿನ ಕೊತ್ತಗೆರೆ ಹೋಬಳಿ ಸೋಬಗಾನಹಳ್ಳಿ ಗ್ರಾಮದ ಅಶೋಕ್ (22) ಬಂಧಿತ ಆರೋಪಿ.

ಬಾಲಕಿ ಎಡಿಯೂರು ಹೋಬಳಿ ನಾಗಸಂದ್ರ ಗ್ರಾಮದವರಾಗಿದ್ದು, ಕುಣಿಗಲ್ ಟೌನ್ ಡಾ.ಅಂಬೇಡ್ಕರ್ ನಗರದ ದೊಡ್ಡಮನ ಮಗಳ ಮನೆಗೆ ಬಾಲಕಿ ಕಳೆದ ನಾಲ್ಕು ತಿಂಗಳ ಹಿಂದೆ ಬಂದಿದ್ದಾಳೆ, ಆಗ ಸೋಬಗಾನಹಳ್ಳಿ ಗ್ರಾಮದ ಅಶೋಕ್ ಈಕೆಗೆ ಪರಿಚಯವಾಗಿತ್ತು ಎನ್ನಲಾಗಿದೆ, ದೊಡ್ಡಮ್ಮನ ಮಗಳು ಗಾರ್ಮೆಂಟ್ಸ್ ಕೆಲಸಕ್ಕೆ ಹೋಗಿದ್ದಾಗ ಬಾಲಕಿ ಮನೆಯಲ್ಲಿ ಒಬ್ಬಳೇ ಇದ್ದ ಸಂದರ್ಭ ಅಶೋಕ್‌ ಮನೆಗೆ ಬಂದು ಜೊತೆಯಲ್ಲೇ ಇದ್ದು ಸಂಜೆ ಹೋಗುತ್ತಿದ್ದ ಎಂದು ಬಾಲಕಿ ದೂರಿನಲ್ಲಿ ತಿಳಿಸಿದ್ದಾಳೆ.

ಇದನ್ನೂ ಓದಿ : ಸಬ್ಸಿಡಿ ತೆಗೆದರೂ ಹಜ್‌ ಯಾತ್ರಿಕರಿಗೆ ಹೊರೆಯಾಗಿಲ್ಲ: ಸಚಿವ ಮುಖ್ತಾರ್ ಅಬ್ಬಾಸ್ ನಖ್ವಿ

ನಂತರ ಒಂದು ವಾರದ ಬಳಿಕ ಸೋಬಗಾನಹಳ್ಳಿ ಗ್ರಾಮದಲ್ಲಿ ಕಾಲಘಟ್ಟಮ್ಮ ದೇವಸ್ಥಾನದ ಹಬ್ಬಕ್ಕೆಂದು ಹೋಗಿದ್ದಾಗ ಹಬ್ಬದ ಮರು ದಿನರಾತ್ರಿ ಬಾಲಕಿಯ ದೊಡ್ಡಮ್ಮನ ಮನೆಗೆ ರಾತ್ರಿ ಹತ್ತು ಗಂಟೆಗೆ ಬಂದು ಆಕೆಯ ಜೋತೆಯಲ್ಲಿ ಇದ್ದ ಎಂದು ದೂರಿದ್ದಾಳೆ. ಈಗ 4 ತಿಂಗಳ ಗರ್ಣಿಣಿಯಾಗಿದ್ದಾಳೆ ಈ ಕುರಿತು ಬಾಲಕಿಯ ತಾಯಿ ವಿಚಾರಿಸಿದಾಗ ಇದಕ್ಕೆ ಅಶೋಕನೇ ಕಾರಣ ಎಂದು ಬಾಲಕಿ ತಿಳಿಸಿದ್ದಾಳೆ.

Advertisement

ಬಾಲಕಿ ಪೋಷಕರು ಅಶೋಕನ ವಿರುದ್ಧ ದೂರು ನೀಡಿದ್ದು ಪೊಲೀಸರು ಪೋಕ್ಸೋ ಕಾಯ್ದೆಯಡಿ ಪ್ರಕರಣ ದಾಖಲಿಸಿಕೊಂಡು ಅಶೋಕನನ್ನು ವಶಕ್ಕೆ ಪಡೆದಿದ್ದಾರೆ.

ಸದ್ಯ ಬಾಲಕಿಯನ್ನು ನಾಗಸಂದ್ರ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next