Advertisement

ಮನೆ ಕಳ್ಳತನ : ಇಬ್ಬರು ಆರೋಪಿಗಳ ಬಂಧನ, ಚಿನ್ನಾಭರಣ ನಗದು ವಶ

08:36 PM Sep 28, 2022 | Team Udayavani |

ಕುಣಿಗಲ್ : ಮನೆ ಕಳ್ಳ ತನಕ್ಕೆ ಸಂಬಂಧಿಸಿದಂತೆ ಇಬ್ಬರು ಆರೋಪಿಗಳನ್ನು ಹುಲಿಯೂರು ದುರ್ಗ ಪೊಲೀಸರು ಬಂಧಿಸಿ ಅವರಿಂದ ನಗದು ಸೇರಿದಂತೆ ಚಿನ್ನಾಭರಣ ವಶ ಪಡಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ.

Advertisement

ಹುಲಿಯೂರುದುರ್ಗ ಟೌನ್ ಹಳೇಪೇಟೆ ವಾಸಿಗಳಾದ ವೆಲ್ಡಿಂಗ್ ಕೆಲಸಗಾರ ಅಪ್ರೋಜ್ ಖಾನ್ ಅಲಿಯಾಸ್ ಅಪ್ರೋಜ್( 20), ಕೋಳಿ ಅಂಗಡಿ ಕೆಲಸಗಾರ ಪೈರೋಜ್ ಖಾನ್ ಅಲಿಯಾಸ್ ಪೈರೋಜ್ (22) ಬಂದಿತ ಆರೋಪಿಗಳು.

ಘಟನೆ ವಿವರ : ತಾಲೂಕಿನ ಹುಲಿಯೂರುದುರ್ಗ ಟೌನ್ ಅಂಬೇಡ್ಕರ್ ನಗರದ ವಾಸಿ ಜಯಲಕ್ಷ್ಮಿ ಅವರು ಸೆ 20 ರಂದು ಬೆಳಗ್ಗೆ 9-40 ರಲ್ಲಿ ಮನೆಯ ಬಾಗಿಲಿನ ಡೋರ್ ಹಾಕಿಕೊಂಡು ಹಳೇವೂರು ಗ್ರಾಮಕ್ಕೆ ಹೋಗಿದ್ದರು ನಂತರ ಹಳೇವೂರಿನಿಂದ ಮನೆಗೆ ಬಂದು ನೋಡಿದಾಗ ಮನೆ ಒಳಗೆ ಡೋರ್ ಲಾಕ್ ತೆಗೆದು ಮನೆ ಒಳಗೆ ನುಗ್ಗಿ ರೂಂನಲ್ಲಿ ಇದ್ದ ಬೀರುವಿನ ಬಾಗಿಲು ತೆರೆದಿತ್ತು ಬೀರುವಿನ ಸೀಕ್ರೇಟ್ ಲಾಕ್ ನಲ್ಲಿ ಇದ್ದ 20 ಗ್ರಾಂ ಚಿನ್ನದ ಒಂದು ನಕ್ಲೇಸ್ ಏಳು ಗ್ರಾಂ ತೂಕದ ಚಿನ್ನದ ಹ್ಯಾಂಗಿಗ್ಸ್ , ನಾಲ್ಕು ಗ್ರಾಂ ತೂಕದ ಚಿನ್ನದ ಉಂಗುರ, ಪ್ಯಾನ್ಸಿವಾಲೆ, ಎರಡು ಗ್ರಾಂ ತೂಕದ ಚಿನ್ನದ ಸಾಧವಾಲೆ ಹಾಗೂ ಒಂದು ಜೋತೆ ಬೆಳ್ಳಿ ಕಾಲು ಚೈನು, ಎರಡು ಗ್ರಾಂ ತೂಕದ ಕಲ್ಲಿನ ತೂಕದ ಉಂಗುರಗಳನ್ನು ಯಾರೋ ಕಳ್ಳರು ಕಳ್ಳತನ ಮಾಡಿಕೊಂಡು ಹೋಗಿದ್ದಾರೆ ಎಂದು ಹುಲಿಯೂರುದುರ್ಗ ಪೊಲೀಸ್ ಠಾಣೆಗೆ ದೂರು ನೀಡಲಾಗಿತ್ತು.

ನಗದು, ಚಿನ್ನಾಭರಣ ವಶ : ಆರೋಪಿಗಳ ಪತ್ತೆಗೆ ಡಿವೈಎಸ್ ಪಿ ಜಿ.ಆರ್.ರಮೇಶ್, ಅಮೃತೂರು ಸಿಪಿಐ ಅರುಣ್ ಸಾಲುಂಕೆ ಅವರ ಮಾರ್ಗದರ್ಶನದಲ್ಲಿ ಪಿಎಸ್ಐ ವೆಂಕಟೇಶ್ ಮತ್ತು ಅವರ ಪೊಲೀಸ್ ತಂಡವು ಆರೋಪಿಗಳನ್ನು ಬಂದಿಸಿ ಅವರಿಂದ 47 ಗ್ರಾಂ ಚಿನ್ನದ ವಡವೆ, 420 ಗ್ರಾಂ ತೂಕದ ಬೆಳ್ಳಿ ವಡವೆ ಹಾಗೂ ನಗದು 25 ಸಾವಿರ ರೂ ಮತ್ತು ಒಂದು ದ್ವಿಚಕ್ರ ವಾಹನ ವಶ ಪಡಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next