Kundapura ವರದಕ್ಷಿಣೆ ಹಿಂಸೆ; ಕೇಸು ದಾಖಲು

ಕುಂದಾಪುರ: ಹೆಮ್ಮಾಡಿ ಗ್ರಾಮದ ಫೌಜಿಯಾ (34) ಅವರು ಪತಿ ಹಾಗೂ ಅವರ ಮನೆಯವರ ವಿರುದ್ಧ ವರದಕ್ಷಿಣೆ ಹಿಂಸೆ ಕೇಸು ದಾಖಲಿಸಿದ್ದಾರೆ.

ಭಟ್ಕಳದ ಅಬ್ದುಲ್‌ ಗನಿ (42) ಅವರನ್ನು ಮದುವೆಯಾಗಿದ್ದು ವಿವಾಹ ಪೂರ್ವದಲ್ಲಿ 40 ಪವನ್‌ ಚಿನ್ನ, 10 ಲಕ್ಷ ರೂ. ವರದಕ್ಷಿಣೆಗಾಗಿ ಬೇಡಿಕೆ ಇರಿಸಿ 25 ಪವನ್‌ ಚಿನ್ನಾಭರಣ ಹಾಗೂ 3 ಲಕ್ಷ ರೂ. ನಗದು ಪಡೆದಿದ್ದರು. ಬಳಿಕ ಹೆಚ್ಚಿನ ವರದಕ್ಷಿಣೆಗೆ ಪೀಡಿಸಿ 3 ಲಕ್ಷ ರೂ. ಪಡೆದಿದ್ದಾರೆ.

ಬೈದು ಕೊಲೆ ಬೆದರಿಕೆ ಹಾಕಿ, ವರದಕ್ಷಿಣೆಗೆ ಪೀಡಿಸಿದ್ದಾರೆ ಎಂದು ಪತಿ ಗನಿ, ಬೀಬಿ ಶರೀಫಾ (58), ಮಹಮ್ಮದ್‌ ಜಾಫರ್‌ (40) ವಿರುದ್ಧ ನೀಡಿದ ದೂರಿನಂತೆ ಕುಂದಾಪುರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.