Kundapura: ಬೈಕ್‌ ಲಾರಿ ಢಿಕ್ಕಿ; ಸವಾರ ಗಾಯ; ಆಸ್ಪತ್ರೆಗೆ ದಾಖಲು

ಕುಂದಾಪುರ: ಸಂಗಮ್‌ ಬಳಿ ಹೆದ್ದಾರಿಯಲ್ಲಿ ಬೈಕ್‌ ಲಾರಿ ಢಿಕ್ಕಿಯಾಗಿದೆ. ಕೃಷ್ಣರಾವ್‌ ಸಾವಂತ್‌ ಚಲಾಯಿಸುತ್ತಿದ್ದ ಲಾರಿ ಬೈಕ್‌ಗೆ ಢಿಕ್ಕಿಯಾಗಿ ಗಂಭೀರ ಗಾಯಗೊಂಡ ಸವಾರನನ್ನು ಮಣಿಪಾಲ ಕೆಎಂಸಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಪ್ರಕರಣ ದಾಖಲಾಗಿದೆ.

ಬೈಕ್‌ ಸ್ಕೂಟಿ ಢಿಕ್ಕಿ
ಕುಂದಾಪುರ: ಸರ್ಜನ್‌ ಆಸ್ಪತ್ರೆ ಬಳಿ ಸರ್ವಿಸ್‌ ರಸ್ತೆಯಲ್ಲಿ ಬೈಕ್‌ ಸ್ಕೂಟಿ ಢಿಕ್ಕಿಯಾಗಿದೆ.
ಕೋಟೇಶ್ವರ ಕಡೆಯಿಂದ ಕುಂದಾಪುರದ ಕಡೆಗೆ ಬಂದ ಶಫಿ ಅವರ ಸ್ಕೂಟಿಗೆ ಕೋಟೇಶ್ವರ ಕಡೆಗೆ ಆದಿತ್ಯ ಚಲಾಯಿಸುತ್ತಿದ್ದ ಬೈಕ್‌ ಢಿಕ್ಕಿಯಾಗಿದೆ.

ಇಬ್ಬರಿಗೂ ಗಾಯಗಳಾಗಿದ್ದು ಶಫಿಯನ್ನು ಹೆಚ್ಚಿನ ಚಿಕಿತ್ಸೆಗೆ ಕೆ.ಎಮ್‌.ಸಿ. ಆಸ್ಪತ್ರೆಗೆ ದಾಖಲಿಸಲಾಗಿದೆ. ಪ್ರಕರಣ ದಾಖಲಾಗಿದೆ.

ಹಿಲಿಯಾಣ: ಜೀವ ಬೆದರಿಕೆ
ಸಿದ್ದಾಪುರ: ಜಾಗದ ವಿವಾದಕ್ಕೆ ಸಂಬಂದಿಸಿದಂತೆ ಬೇಬಿ ಅವರು ಮನೆಯ ಒಳಗೆ ಅಕ್ರಮವಾಗಿ ನ. 6ರಂದು ಪ್ರವೇಶಿಸಿ, ಜೀವ ಬೆದರಿಕೆ ಹಾಕಿದ್ದಾರೆ ಎಂದು ಹಿಲಿಯಾಣದ ಮಮ್ತಾಜ್‌ ಬಾನು ಅವರು ಪೊಲೀಸರಿಗೆ ದೂರು ನೀಡಿದ್ದಾರೆ. ಶಂಕರನಾರಾಯಣ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಬಸ್ಸು ಹತ್ತುವಾಗ ಬಿದ್ದು ಮಹಿಳೆಗೆ ಗಾಯ
ಉಪ್ಪುಂದ: ಬಸ್ಸು ಹತ್ತುವ ಸಮಯದಲ್ಲಿ ಬಸ್ಸು ಧೀಡಿರ್‌ ಆಗಿ ಮುಂದಕ್ಕೆ ಚಲಿಸಿದ ಪರಿಣಾಮ ಮಹಿಳೆ ಬಿದ್ದು ಗಾಯಗೊಂಡಿರುವ ಘಟನೆ ಉಪ್ಪುಂದ ಗ್ರಾಮದ ಮಡಿಕಲ್‌ ಬಸ್‌ ನಿಲ್ದಾಣದಲ್ಲಿ ಘಟನೆ ಸಂಭವಿಸಿದೆ.

ಉಪ್ಪುಂದ ಗ್ರಾಮದ ಮಡಿಕಲ್‌ ನಿವಾಸಿ ಐಶ್ವರ್ಯ(27) ಗಾಯಗೊಂಡವರು.

ನ.5ರಂದು ಬೆಳಗ್ಗೆ ಎಂದಿನಂತೆ ಕೆಲಸಕ್ಕೆ ಹೋಗಲು ಮನೆ ಸಮೀಪದ ಮಡಿಕಲ್‌ ಬಸ್‌ನಿಲ್ದಾಣದ ಬಳಿ ನಿಂತುಕೊಂಡಿದ್ದಾಗ ಅಳಿವೆ ಕೋಡಿ ಕಡೆಯಿಂದ ಉಪ್ಪುಂದದ ಕಡೆಗೆ ಹೋಗುವ ಬಸ್ಸು ಬಂದಿದ್ದು ಬಸ್ಸನ್ನು ಹತ್ತುತ್ತಿರುವಾಗ ಬಸ್ಸನ್ನು ಚಾಲಕನು ಏಕಾಏಕಿಯಾಗಿ ಮುಂದಕ್ಕೆ ಚಲಾಯಿಸಿದ್ದರಿಂದ ಆಯಾ ತಪ್ಪಿ ಬಸ್ಸಿನಿಂದ ಕೆಳಗೆ ರಸ್ತೆಗೆ ಬಿದ್ದ ಪರಿಣಾಮ ಗಾಯಗೊಂಡಿದ್ದು ಸ್ಥಳೀಯರು ತಕ್ಷಣ ಕುಂದಾಪುರ ಖಾಸಗಿ ಆಸ್ವತ್ರೆಗೆ ದಾಖಲಿಸಿದ್ದಾರೆ. ಈ ಬೈಂದೂರು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.