Kundapura ಬೈಕ್‌ ಢಿಕ್ಕಿ ; ಪಾದಚಾರಿಗೆ ಗಾಯ

ಕುಂದಾಪುರ: ಬೈಕ್‌ ಢಿಕ್ಕಿಯಾಗಿ ಅಪರಿಚಿತ ಪಾದಚಾರಿ ಗಾಯಗೊಂಡಿದ್ದಲ್ಲದೆ, ಬೈಕ್‌ ಸವಾರ ಎಚ್‌. ವೆಂಕಟೇಶ್‌, ಸಹ ಸವಾರೆ ಸುರೇಖಾ ಗಾಯಗೊಂಡ ಘಟನೆ ಅ. 28ರಂದು ನೆಹರೂ ಮೈದಾನ ಎದುರಿನ ಹೆದ್ದಾರಿಯಲ್ಲಿ ಸಂಭವಿಸಿದೆ.

ಗಾಯಗೊಂಡ ಅಪರಿಚಿತ ಪಾದಚಾರಿಯನ್ನು ಕುಂದಾಪುರದ ಖಾಸಗಿ ಆಸ್ಪತ್ರೆಗೆ, ಬಳಿಕ ಹೆಚ್ಚಿನ ಚಿಕಿತ್ಸೆಗೆ ಉಡುಪಿಯ ಅಜ್ಜರಕಾಡಿನ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಸಹ ಸವಾರೆ ಸುರೇಖಾ ಅವರನ್ನು ಕುಂದಾಪುರದ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಬೈಕ್‌ ಸವಾರ ಎಚ್‌. ವೆಂಕಟೇಶ್‌ ವಿರುದ್ಧ ಕುಂದಾಪುರ ಸಂಚಾರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.