Advertisement
ಹೊಸ ಬಸ್‌ಗಳು ಆಗಮಿಸದೇ ಇದ್ದರೂ ಸಂಚಾರ ನಡೆಸಲು ಯೋಗ್ಯವಲ್ಲದ ಬಸ್‌ಗಳ ಸಂಖ್ಯೆ ಹೆಚ್ಚಾಗುತ್ತಲೇ ಇರುತ್ತದೆ. ಬಿ.ಸಿ. ರೋಡ್‌ ಡಿಪೋಗೆ ಕಳೆದ ಸುಮಾರು 9 ತಿಂಗಳ ಹಿಂದೆ 4 ಹೊಸ ಬಸ್‌ಗಳು ಆಗಮಿಸಿದ್ದು, ಆ ಬಳಿಕ ಹೊಸ ಬಸ್‌ಗಳು ಆಗಮಿಸಿಲ್ಲ. ರಾಜ್ಯಾದ್ಯಂತ ಈ ಸಮಸ್ಯೆಯಿದ್ದು, ಸೀಮಿತ ಸಂಖ್ಯೆಯ ಹೆಚ್ಚುವರಿ ಬಸ್‌ಗಳಿದ್ದ ಡಿಪೋಗಳಿಗೆ ಇದು ತೊಂದರೆಯಾಗುತ್ತದೆ.
ಪ್ರಸ್ತುತ ಬಿ.ಸಿ. ರೋಡ್‌ ಡಿಪೋದಲ್ಲಿ ಸಾಮಾನ್ಯ ರೂಟ್‌ಗಳಲ್ಲಿ ಓಡಾಟ ನಡೆಸುವ ಒಂದು ಮಾತ್ರ ಹೆಚ್ಚುವರಿ ಬಸ್‌ ಇದ್ದು, ಯಾವುದೇ ರೂಟ್‌ನ ಬಸ್‌ ಕೈಕೊಟ್ಟರೂ ಟ್ರಿಪ್‌ ಕಡಿತ ಮಾಡಬೇಕಾದ ಸ್ಥಿತಿ ಇದೆ. ಇದಕ್ಕಾಗಿ ರಾತ್ರಿ ವೇಳೆ ಬೆಂಗಳೂರು ಸಹಿತ ದೂರದ ರೂಟ್‌ಗಳಲ್ಲಿ ಸಂಚರಿಸಿದ್ದ ಬಸ್‌ಗಳನ್ನು ಹಗಲು ವೇಳೆ ಸ್ಟೇಟ್‌ಬ್ಯಾಂಕ್‌-ವಿಟ್ಲ, ಸ್ಟೇಟ್‌ಬ್ಯಾಂಕ್‌-ಪುತ್ತೂರು ಮೊದಲಾದ ರಸ್ತೆಗಳಲ್ಲಿ ಓಡಿಸಿ ಹೊಂದಾಣಿಕೆ ನಡೆಸಲಾಗುತ್ತಿದೆ.
Related Articles
Advertisement
5 ರಾಜಹಂಸ, 4 ಸ್ಲೀಪರ್ಬಿ.ಸಿ. ರೋಡ್‌ ಡಿಪೋದಲ್ಲಿ ಒಟ್ಟು 5 ರಾಜಹಂಸ ಬಸ್‌ಗಳಿದ್ದು, 4 ರೂಟ್‌ಗಳಲ್ಲಿ ಸಂಚಾರ ನಡೆಸುತ್ತಿವೆ. ಅಂದರೆ ಒಂದು ಬಸ್‌ ಹೆಚ್ಚುವರಿಯಾಗಿರುತ್ತದೆ. ಜತೆಗೆ 4 ನಾನ್‌-ಎಸಿ ಸ್ಲೀಪರ್‌ ಬಸ್‌ಗಳು ಓಡಾಟ ನಡೆಸುತ್ತಿದ್ದು, 2 ಬಸ್‌ಗಳು ಪುತ್ತೂರು ಮೂಲಕ ಬೆಂಗಳೂರಿಗೆ ಹಾಗೂ 2 ಬಸ್‌ಗಳು ಧರ್ಮಸ್ಥಳದ ಮೂಲಕ ಬೆಂಗಳೂರಿಗೆ ಸಂಚಾರ ನಡೆಸುತ್ತಿವೆ. ಆದರೆ ಬಿ.ಸಿ. ರೋಡ್‌ ಡಿಪೋದಲ್ಲಿ ಎಸಿ ಸ್ಲೀಪರ್‌ ಬಸ್‌ಗಳಿಲ್ಲ. ನಾಲ್ಕು ಬಸ್‌ಗಳ ಆವಶ್ಯಕತೆ
ಬಿ.ಸಿ. ರೋಡ್‌ ಡಿಪೋದಲ್ಲಿ ಪ್ರಸ್ತುತ ಒಟ್ಟು 114 ಬಸ್‌ಗಳಿದ್ದು, ಹೆಚ್ಚುವರಿಯಾಗಿ ಕೇವಲ ಒಂದು ಮಾತ್ರ ಸಾಮಾನ್ಯ ಬಸ್‌ ಇದೆ. ಹೀಗಾಗಿ ಡಿಪೋಗೆ 4 ಬಸ್‌ಗಳ ಆವಶ್ಯಕತೆ ಇದೆ. ಸಂಚಾರಕ್ಕೆ ತೊಂದರೆಯಾಗಬಾರದು ಎಂಬ ನಿಟ್ಟಿನಲ್ಲಿ ರಾತ್ರಿ ಓಡಾಟ ನಡೆಸುವ ಬಸ್‌ಗಳನ್ನು ಹಗಲು
ಹೊತ್ತಿನಲ್ಲಿ ಓಡಿಸಲಾಗುತ್ತಿದೆ.
- ಶ್ರೀಶ ಭಟ್‌,ಡಿಪೋ ಮ್ಯಾನೇಜರ್‌,
ಕೆಎಸ್‌ಆರ್‌ಟಿಸಿ, ಬಿ.ಸಿ. ರೋಡ್‌ ಕಿರಣ್‌ ಸರಪಾಡಿ