ಕೆಕೆಆರ್‌ ನಾಯಕತ್ವ ರೇಸ್‌ನಲ್ಲಿ ಕ್ರಿಸ್‌ ಲಿನ್‌

ಕೋಲ್ಕತಾ: ಆಸ್ಟ್ರೇಲಿಯದ ಸ್ಫೋಟಕ ಬ್ಯಾಟ್ಸ್‌ಮನ್‌ ಕ್ರಿಸ್‌ ಲಿನ್‌ ಕೋಲ್ಕತಾ ನೈಟ್‌ರೈಡರ್ ನಾಯಕತ್ವದ ರೇಸ್‌ನಲ್ಲಿ ಮುಮಚೂಣಿಯಲ್ಲಿದ್ದಾರೆ. ಕೆಕೆಆರ್‌ ಕೋಚ್‌ ಜಾಕ್‌ ಕ್ಯಾಲಿಸ್‌ ಈ ವಿಷಯ ತಿಳಿಸಿದ್ದಾರೆ.

ತಂಡದ ನಾಯಕತ್ವದ ಬಗ್ಗೆ ಪ್ರತಿಕ್ರಿಯಿಸಿದ ಕ್ಯಾಲಿಸ್‌, “ನಾಯಕತ್ವ ಸ್ಥಾನಕ್ಕೆ ಲಿನ್‌ ಪ್ರಬಲ ಸ್ಪರ್ಧಿಯಾಗಿದ್ದಾರೆ. ಆದರೆ ನಾವು ಇನ್ನೂ ಅಂತಿಮ ತೀರ್ಮಾನ ತೆಗೆದುಕೊಂಡಿಲ್ಲ. ಬಹುಶಃ ಮುಂದಿನ ವಾರ ಖಚಿತವಾಗುತ್ತದೆ’ ಎಂದಿದ್ದಾರೆ.

ಕಳೆದ 7 ವರ್ಷಗಳ ಕಾಲ ಕೆಕೆಆರ್‌ ತಂಡವನ್ನು ಗೌತಮ್‌ ಗಂಭೀರ್‌ ಮುನ್ನಡೆಸಿದ್ದರು. ಆಗ ಕೆಕೆಆರ್‌ 2 ಬಾರಿ ಚಾಂಪಿಯನ್‌ ಕೂಡ ಆಗಿತ್ತು. ಆದರೆ ಈ ಬಾರಿ ಗಂಭೀರ್‌ ಅವರನ್ನು ತಂಡದಿಂದ ಕೈಬಿಡಲಾಗಿದೆ. ಹೀಗಾಗಿ ತಂಡಕ್ಕೆ ಹೊಸ ನಾಯಕರ ಆಯ್ಕೆ ಆಗಬೇಕಿದೆ.