Advertisement

ನಿದ್ರೆ ಮಾಡಿ 5 ಲಕ್ಷ ಗೆದ್ದಳು! ಕೋಲ್ಕತದ ತ್ರಿಪರ್ಣಾ ಈಗ ಸ್ಲೀಪಿಂಗ್‌ ಚಾಂಪಿಯನ್‌

07:10 PM Sep 11, 2022 | Team Udayavani |

ಕೋಲ್ಕತ: “ನಿದ್ರೆ ಮಾಡುವುದಕ್ಕೇ ಸಂಬಳ ಸಿಗುವಂತಿದ್ದಿದ್ದರೆ?’ ಈ ರೀತಿಯ ಯೋಚನೆ ಎಲ್ಲರಿಗೂ ಬಂದಿರುತ್ತದೆ. ಆದರೆ ಕೋಲ್ಕತದ ಅದೃಷ್ಟಶಾಲಿ ಯುವತಿಯೊಬ್ಬರು ನಿದ್ರೆ ಮಾಡಿಯೇ ಬರೋಬ್ಬರಿ 5 ಲಕ್ಷ ರೂ. ಗೆದ್ದು ಬಿಟ್ಟಿದ್ದಾರೆ!

Advertisement

ತ್ರಿಪರ್ಣ ಚಕ್ರವರ್ತಿ(26) ವೇಕ್‌ಫಿಟ್‌ನ ಸ್ಲೀಪ್ ಚಾಂಪಿಯನ್‌ಶಿಪ್‌ ಸ್ಪರ್ಧೆಗೆ ನೋಂದಣಿ ಮಾಡಿಕೊಂಡಿದ್ದರು. ದೇಶಾದ್ಯಂತ ಒಟ್ಟು 5.5 ಲಕ್ಷ ಮಂದಿ ನೋಂದಣಿ ಮಾಡಿಕೊಂಡಿದ್ದು, ಆ ಪೈಕಿ 15 ಸ್ಪರ್ಧಿಗಳನ್ನು ಸಂಸ್ಥೆ ಆಯ್ದುಕೊಂಡಿತ್ತು. ನಾಲ್ವರು ಅಂತಿಮ ಹಂತಕ್ಕೆ ಆಯ್ಕೆಯಾಗಿದ್ದರು. ಅವರಲ್ಲಿ ಯಾರು 100 ದಿನಗಳ ಕಾಲ ಪ್ರತಿದಿನ 9 ಗಂಟೆ ಯಾವುದೇ ಅಡೆತಡೆ ಇಲ್ಲದೆ ನಿದ್ರೆ ಮಾಡುತ್ತಾರೆ ಎಂದು ಪರೀಕ್ಷೆ ಮಾಡಲಾಗಿದೆ.

ನಾಲ್ವರ ಪೈಕಿ ತ್ರಿಪರ್ಣಾ ತಮ್ಮ ನಿದ್ರೆಯಲ್ಲಿ ಶೇ.95 ದಕ್ಷತೆ ತೋರಿಸಿದ್ದಾರೆ. ಪ್ರತಿ ದಿನ 9 ಗಂಟೆಗಳ ಕಾಲ ಅತ್ಯುತ್ತಮ ನಿದ್ರೆ ಮಾಡಿದ ಹಿನ್ನೆಲೆ ಅವರನ್ನು ಭಾರತದ “ಸ್ಲೀಪ್ ಚಾಂಪಿಯನ್‌’ ಎಂದು ವೇಕ್‌ಫಿಟ್‌ ಸಂಸ್ಥೆ ಕರೆದಿದೆ. ಹಾಗೆಯೇ 5 ಲಕ್ಷ ರೂ. ಬಹುಮಾನವನ್ನೂ ಕೊಟ್ಟಿದೆ.

ಅಮೆರಿಕ ಮೂಲದ ಸಂಸ್ಥೆಗೆ ಕೆಲಸ ಮಾಡುತ್ತಿರುವ ತ್ರಿಪರ್ಣಾ, ರಾತ್ರಿ ವೇಳೆ ಕೆಲಸ ಮಾಡಿ, ಹಗಲು ನಿದ್ರೆ ಮಾಡಿದ್ದಾರೆ. ರಾತ್ರಿಯ ಕೆಲಸದ ಜತೆ ಹಗಲಿನ ನಿದ್ರೆಗೂ ಅವರಿಗೆ ಹಣ ಸಿಕ್ಕಿದೆ.

Advertisement

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next