ತೆರೆಗೆ ಸಿದ್ಧವಾದ “ಕಿಲಾಡಿ ಪೊಲೀಸ್‌’

ನಟ ಹರೀಶ್‌ ರಾಜ್‌ ಮುಖ್ಯ ಭೂಮಿಕೆಯಲ್ಲಿ ಅಭಿನಯಿಸಿ ಮತ್ತು ನಿರ್ದೇಶಿಸಿರುವ “ಕಿಲಾಡಿ ಪೊಲೀಸ್‌’ ತೆರೆಗೆ ಬರಲು ಅಣಿಯಾಗಿದೆ. ಇತ್ತೀಚೆಗೆ ಈ ಚಿತ್ರವನ್ನು ವೀಕ್ಷಿಸಿದ ಪ್ರಾದೇಶಿಕ ಸೆನ್ಸಾರ್‌ ಮಂಡಳಿ ಚಿತ್ರಕ್ಕೆ ಯು/ಎ ಅರ್ಹತಾ ಪತ್ರವನ್ನು ನೀಡಿ, ಬಿಡುಗಡೆಗೆ ಅಸ್ತು ಎಂದಿದೆ. ಹೆಚ್‌.ಆರ್‌ ಪ್ರೊಡಕ್ಷನ್ಸ್‌ ಲಾಂಛನದಲ್ಲಿ ನಿರ್ಮಾಣವಾಗಿರುವ ಈ ಚಿತ್ರಕ್ಕೆ ಬೆಂಗಳೂರು ಸುತ್ತಮುತ್ತ ಸುಮಾರು 40 ದಿನಗಳ ಚಿತ್ರೀಕರಣ ನಡೆಸಲಾಗಿದೆ. ಹರೀಶ್‌ ರಾಜ್‌ ಅವರಿಗೆ ಚಿತ್ರದಲ್ಲಿ ನಾಯಕಿಯಾಗಿ ಸಾನ್ವಿ ಪೊನ್ನಮ್ಮ ಜೋಡಿಯಾಗಿ ನಟಿಸಿದ್ದಾರೆ.

ಶ್ರೀನಿವಾಸಮೂರ್ತಿ, ಪದ್ಮಾ ವಾಸಂತಿ, ಸುಚೇಂದ್ರ ಪ್ರಸಾದ್‌, ಶೋಭರಾಜ್‌, ಗಿರಿ, ಮುನಿ, ಮೋಹನ್‌ ಜುನೇಜ, ರಮೇಶ್‌ ಪಂಡಿತ್‌ ಮುಂತಾದವರು ಈ ಚಿತ್ರದ ತಾರಾಬಳಗದಲ್ಲಿ ಕಾಣಿಸಿಕೊಂಡಿದ್ದಾರೆ. ಅಪ್ಪ-ಮಗನ ಭಾಂದವ್ಯದ ಕತಾಹಂದರ ಹೊಂದಿರುವ “ಕಿಲಾಡಿ ಪೊಲೀಸ್‌’ ಚಿತ್ರಕ್ಕೆ ಎಲ್ವಿನ್‌ ಜೋಶ್ವ ಸಂಗೀತ, ದೀಪಕ್‌ ಕುಮಾರ್‌ ಛಾಯಾಗ್ರಹಣದೆ. ಸುರೇಶ್‌-ಜೀವನ್‌ ಸಂಕಲನ ಕಾರ್ಯ ನಿರ್ವಹಿಸಿದ್ದಾರೆ.