ಭದ್ರೆಯ ಆರ್ಭಟಕ್ಕೆ‌ ಕೊಚ್ಚಿ ಹೋದ ಖಾಂಡ್ಯ- ಬಾಳಗದ್ದೆ ತೂಗು‌ ಸೇತುವೆ‌

ಚಿಕ್ಕಮಗಳೂರು: ಚಿಕ್ಕಮಗಳೂರಿನಲ್ಲಿ ಮಹಾಮಳೆ ಮುಂದುವರೆದಿದ್ದು, ಭದ್ರಾ ನದಿ ಅಪಾಯದ ಮಟ್ಟ ಮೀರಿ‌ ಹರಿಯುತ್ತಿದೆ. ಭದ್ರಾ ನದಿ‌ ಆರ್ಭಟಕ್ಕೆ‌ ಖಾಂಡ್ಯ- ಬಾಳಗದ್ದೆ ತೂಗು‌ ಸೇತುವೆ‌ ಕೊಚ್ಚಿ ಹೋಗಿದೆ.

ಚಿಕ್ಕಮಗಳೂರು ತಾಲೂಕಿನ‌ ಖಾಂಡ್ಯ ಬಳಿ‌‌ ಇರುವ ತೂಗು ಸೇತುವೆ ಕೊಚ್ಚಿ ಹೋದ ಪರಿಣಾಮ ಬಾಳಗದ್ದೆ ಗ್ರಾಮಸ್ಥರು ಆತಂಕಕ್ಕೆ ಒಳಗಾಗಿದ್ದಾರೆ. ಭದ್ರಾ ನದಿ‌ ದಾಟಲು ಈ ಗ್ರಾಮಕ್ಕೆ ಈ ತೂಗು ಸೇತುವೆಯೇ ಆಸರೆಯಾಗಿತ್ತು. ಐವತ್ತಕ್ಕೂ ಹೆಚ್ಚು ಕುಟುಂಬಗಳ‌ ಸಂಪರ್ಕ ಬಂದ್ ಆಗಿರುವುದರಿಂದ ಈ ಕುಟುಂಬಗಳು ಆತಂಕಕ್ಕೆ ಒಳಗಾಗಿದ್ದಾರೆ.