ಬೆಂಗಳೂರು: ಕನ್ನಡ ಚಿತ್ರರಂಗದಲ್ಲಿ ಮಾತ್ರವಲ್ಲದೇ ಭಾರತೀಯ ಚಿತ್ರರಂಗದಲ್ಲೇ ಸಂಚಲನ ಮೂಡಿಸಿದ್ದ ರಾಕಿಂಗ್ ಸ್ಟಾರ್ ಯಶ್ ನಾಯಕ ನಟನಾಗಿ ಅಭಿನಯಿಸಿದ್ದ ಹಾಗೂ ಪ್ರಶಾಂತ್ ನೀಲ್ ಅವರ ನಿರ್ದೇಶನದಲ್ಲಿ ಸಿದ್ಧಗೊಂಡು ಕಳೆದ ವರ್ಷ ರಿಲೀಸ್ ಆಗಿದ್ದ ಕೆ.ಜಿ.ಎಫ್. – ಚಾಪ್ಟರ್-1 ಚಲನಚಿತ್ರ ನಿರ್ಮಿಸಿದ್ದ ದಾಖಲೆಗಳು ನಿಮಗೆಲ್ಲಾ ಗೊತ್ತೇ ಇದೆ.
ಈ ಚಿತ್ರದ ಮೇಕಿಂಗ್ ವಿಧಾನಕ್ಕೆ ಯಶ್ ಅಭಿಮಾನಿಗಳು ಮಾತ್ರವಲ್ಲದೇ ವಿಶ್ವಾದ್ಯಂತ ಚಿತ್ರಪ್ರೇಮಿಗಳು ಹ್ಯಾಟ್ಸಾಪ್ ಅಂದಿದ್ದರು.
ಅವತ್ತಿನಿಂದ ಎಲ್ಲರ ನಿರೀಕ್ಷೆ ಒಂದೇ, ಕೆಜಿಎಫ್ ಚಾಪ್ಟರ್ -2 ಯಾವಾಗ ರಿಲೀಸ್ ಆಗುತ್ತದೆ ಎಂದು. ಇದಕ್ಕೆ ಉತ್ತರವೆಂಬಂತೆ ಈಗಾಗಲೇ ಚಿತ್ರತಂಡವು ಶೂಟಿಂಗ್ ನಲ್ಲಿ ಬ್ಯುಸಿಯಾಗಿದೆ. ಅಧೀರನ ಪಾತ್ರಕ್ಕೆ ಬಾಲಿವುಡ್ ನಟ ಸಂಜಯ್ ದತ್ ಅವರು ಎಂಟ್ರಿಕೊಟ್ಟಿದ್ದಾರೆ.
ಇದೀಗ ಈ ಚಿತ್ರವನ್ನು ನಿರ್ಮಾಣ ಮಾಡುತ್ತಿರುವ ಹೊಂಬಾಳೆ ಪ್ರೊಡಕ್ಷನ್ಸ್ ಇಂದು
ಕೆ.ಜಿ.ಎಫ್. ಚಾಪ್ಟರ್ -2ನ ಫಸ್ಟ್ ಲುಕ್ ರಿಲೀಸ್ ಮಾಡಿದೆ. ಸಾಮ್ರಾಜ್ಯವೊಂದರ ಪುನರ್ ನಿರ್ಮಾಣ (ರಿ ಬಿಲ್ಡಿಂಗ್ ಆನ್ ಎಂಪೈರ್) ಎಂಬ ಟ್ಯಾಗ್ ಲೈನ್ ಅನ್ನು ಈ ಚಿತ್ರದ ಪೋಸ್ಟರ್ ಹೊಂದಿದೆ.
ಇದಕ್ಕೆ ಪೂರಕವೆಂಬಂತೆ ಚಾಪ್ಟರ್-2 ರ ಕೆಲವೊಂದು ವಿಷ್ಯುವಲ್ಸ್ ಗಳನ್ನು ಬಳಸಿಕೊಂಡು ತಯಾರಿಸಿರುವ ಯಶ್ ಮತ್ತು ಕೆ.ಜಿ.ಎಫ್. ಅಭಿಮಾನಿಗಳು ಸಿದ್ಧಪಡಿಸಿರುವ ಕಿರು ವಿಡಿಯೋ ಒಂದು ಯೂ-ಟ್ಯೂಬ್ ನಲ್ಲಿ ಸಖತ್ ಸೌಂಡ್ ಮಾಡುತ್ತಿದೆ
ಚಿತ್ರದಲ್ಲಿ ಅಧೀರನ ಪಾತ್ರವನ್ನು ನಿರ್ವಹಿಸುತ್ತಿರುವ ಬಾಲಿವುಡ್ ನಟ ಸಂಜಯ್ ದತ್ ಅವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲೂ ಚಿತ್ರದ ಪೋಸ್ಟರನ್ನು ಶೇರ್ ಮಾಡಿದ್ದಾರೆ.
ಕೆ.ಜಿ.ಎಫ್.-2 ಫಸ್ಟ್ ಲುಕ್ ಬಿಡುಗಡೆಗೊಳ್ಳುತ್ತಿದ್ದಂತೆ ಅದು ಟ್ವಿಟ್ಟರ್ ಹಾಗೂ ಇನ್ ಸ್ಟಾಗ್ರಾಂಗಳಲ್ಲಿ ಟ್ರೆಂಡಿಂಗ್ ಆಗಿದೆ. ಇದಕ್ಕೆ ಪೂರಕವೆಂಬಂತೆ ಚಾಪ್ಟರ್-2 ರ ಕೆಲವೊಂದು ವಿಷ್ಯುವಲ್ಸ್ ಗಳನ್ನು ಬಳಸಿಕೊಂಡು ತಯಾರಿಸಿರುವ ಟೀಸರ್ ಒಂದು ಯೂ-ಟ್ಯೂಬ್ ನಲ್ಲಿ ಟ್ರೆಂಡಿಂಗ್ ಆಗಿದೆ.
ಚಿತ್ರದ ನಾಯಕ ನಟ ಯಶ್ ಅವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಚಿತ್ರದ ನಾಲ್ಕು ಪೋಸ್ಟರ್ ಗಳನ್ನು ಹಂಚಿಕೊಂಡಿದ್ದಾರೆ.
