ದಲಿತ ಅರ್ಚಕರಾಗಿ ಇತಿಹಾಸ ಬರೆದ ಯದುಕೃಷ್ಣನ್‌

ಪಟ್ಟಣಂತಿಟ್ಟ: ತಿರುವಲ್ಲಾದಲ್ಲಿರುವ ಮಣಪ್ಪುರಂ ಶಿವ ದೇಗುಲದ ಪ್ರಧಾನ ಅರ್ಚಕರಾಗಿ ಇದೇ ಮೊದಲ ಬಾರಿಗೆ ದಲಿತ ಸಮುದಾಯದ ಯೆದು ಕೃಷ್ಣನ್‌ ಅವರು ನೇಮಕಗೊಂಡಿದ್ದು, ಈ ಮೂಲಕ ಅವರು ಹೊಸ ಇತಿಹಾಸ ಬರೆದಿದ್ದಾರೆ. 

ಪಿ.ಕೆ. ರವಿ ಹಾಗೂ ಲೀಲಾ ಎಂಬ ದಂಪತಿಯ ಮಗನಾಗಿರುವ 22ರ ಪ್ರಾಯದ ಕೃಷ್ಣನ್‌, ತಂತ್ರಶಾಸ್ತ್ರದಲ್ಲಿ ತರಬೇತಿ ಪಡೆದಿದ್ದಾರೆ. ಈ ಪ್ರಧಾನ ಅರ್ಚಕರ ಹುದ್ದೆಗಾಗಿ ದೇಗುಲದ ಉಸ್ತುವಾರಿ ಹೊಂದಿರುವ ತಿರುವಾಂಕೂರು ದೇವಸ್ವಂ ಮಂಡಳಿಗೆ ಸುಮಾರು 36 ಬ್ರಾಹ್ಮಣೇತರ ಅಭ್ಯರ್ಥಿಗಳಿಂದ ಅರ್ಜಿ ಬಂದಿದ್ದವು. ಇವರಲ್ಲಿ ಆರು ಮಂದಿ ದಲಿತರೂ ಇದ್ದರು.