Advertisement

ಕೇರಳದ ಮಹಿಳೆಗೆ ಮೀಸೆ ಇಲ್ಲದೆ ಬದುಕನ್ನು ಕಲ್ಪಿಸಿಕೊಳ್ಳಲೂ ಸಾಧ್ಯವಿಲ್ಲವಂತೆ !

04:34 PM Jul 24, 2022 | Team Udayavani |

ಕಣ್ಣೂರು : ಮಹಿಳೆಯರು ಮುಖದಲ್ಲಿ ರೋಮಗಳನ್ನು ಹೊಂದಿದ್ದರೆ ಮುಜುಗರಕ್ಕೊಳಗಾಗುತ್ತಾರೆ ಹೆಚ್ಚಿನವರು ರೋಮರಹಿತ ಚರ್ಮವನ್ನು ಪಡೆಯಲು ದೊಡ್ಡ ಪ್ರಯತ್ನ ಮಾಡುತ್ತಾರೆ. ಆದರೆ ಅಚ್ಚರಿ ಎಂಬಂತೆ ಕೇರಳದ ಈ ಮಹಿಳೆಗೆ ಮೀಸೆ ಇಲ್ಲದೆ ಬದುಕನ್ನು ಕಲ್ಪಿಸಿಕೊಳ್ಳಲೂ ಸಾಧ್ಯವಿಲ್ಲವಂತೆ.

Advertisement

ಕೇರಳದ ಕಣ್ಣೂರಿನ 35 ವರ್ಷದ ಶೈಜಾ “ನಾನು ನನ್ನ ಮೀಸೆಯನ್ನು ಪ್ರೀತಿಸುತ್ತೇನೆ” ಎಂದು ತನ್ನ ವಾಟ್ಸಾಪ್ ಸ್ಟೇಟಸ್‌ನಲ್ಲಿ ಬರೆದಿದ್ದಾರೆ. ಫೋಟೋ ಕುರಿತು ಆಕೆಗೆ ಧನಾತ್ಮಕ ಮತ್ತು ಋಣಾತ್ಮಕ ಎರಡೂ ರೀತಿಯ ಕಾಮೆಂಟ್‌ಗಳು ಬಂದಿವೆ ಆದರೆ ಅವರು ವಿಚಲಿತರಾಗಿಲ್ಲ.

ಜನರು ಅವರಿಗೆ ಕೇಳುವ ಸಾಮಾನ್ಯ ಪ್ರಶ್ನೆಯೆಂದರೆ ಹೆಣ್ಣಾಗಿ ಮೀಸೆ ಏಕೆ ಎಂದು. “ನಾನು ಅದನ್ನು ಇಷ್ಟಪಡುತ್ತೇನೆ ಎಂದು ನಾನು ಹೇಳಬಲ್ಲೆ ಎಂದು ಅವರು ಬಿಬಿಸಿಗೆ ನೀಡಿದ ಸಂದರ್ಶನದಲ್ಲಿ ಪ್ರತಿಕ್ರಿಯಿಸಿದ್ದಾರೆ. ತನಗೆ ಬಂದಿರುವ ಕಾಮೆಂಟ್‌ಗಳ ಬಗ್ಗೆ ತಲೆಕೆಡಿಸಿಕೊಳ್ಳದೆ ಹೆಮ್ಮೆಯಿಂದ ಆಕೆ ಮೀಸೆ ಬೆಳೆಸಿದ್ದಾರೆ.

ಬಿಬಿಸಿ ವರದಿಯ ಪ್ರಕಾರ, ಶೈಜಾ ತನ್ನ ಹುಬ್ಬುಗಳನ್ನು ಅಂದ ಮಾಡಿಕೊಳ್ಳಲು ಪಾರ್ಲರ್‌ಗಳಿಗೆ ಹೋಗುತ್ತಾರಾದರೂ, ತುಟಿಗಳ ಮೇಲಿನ ಮೀಸೆ ತೆಗೆಯಬೇಕೆಂದು ಎಂದಿಗೂ ಭಾವಿಸಲಿಲ್ಲ. ಕೂದಲು ಮೀಸೆಯಾಗಿ ದಪ್ಪವಾಗಲು ಪ್ರಾರಂಭಿಸಿದಾಗ ಸಂತೋಷಗೊಂಡ ಶೈಜಾ ಅದನ್ನು ಇರಿಸಿಕೊಳ್ಳಲು ನಿರ್ಧರಿಸಿದ್ದಾರಂತೆ.

“ಈಗ ಮೀಸೆ ಇಲ್ಲದೆ ಬದುಕುವುದನ್ನು ನಾನು ಊಹಿಸಲು ಸಾಧ್ಯವಿಲ್ಲ. ಕೋವಿಡ್ ಪ್ರಾರಂಭವಾದಾಗ, ನಾನು ಎಲ್ಲಾ ಸಮಯದಲ್ಲೂ ಮಾಸ್ಕ್ ಧರಿಸಲು ಇಷ್ಟಪಡಲಿಲ್ಲ ಏಕೆಂದರೆ ಅದು ನನ್ನ ಮುಖವನ್ನು ಮುಚ್ಚುತ್ತದೆ ”ಎಂದು ಶೈಜಾ ಹೇಳಿದ್ದಾರೆ.

Advertisement

ನಾನು ಮೀಸೆ ಹೊಂದಿರುವುದರಿಂದ ನಾನು ಸುಂದರವಾಗಿಲ್ಲ ಅಥವಾ ನಾನು ಅದನ್ನು ಹೊಂದಿರಬಾರದು ಎಂದು ಎಂದಿಗೂ ಭಾವಿಸಿಲ್ಲ. ನಾನು ಇಷ್ಟಪಡುವದನ್ನು ನಾನು ಮಾಡುತ್ತೇನೆ ಎಂದಿದ್ದಾರೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next