ನಟಿ, ಮೋಡೆಲ್‌ ಶಹನಾ ನಿಗೂಢ ಸಾವು; ಪತಿ ಆರೋಪಿ  

ಕುಂಬಳೆ: ಕಾಸರಗೋಡು ಚೆರ್ವತ್ತೂರಿನ ವಲಿಯವಳಪ್ಪು ನಿವಾಸಿ ಕಿರುತೆರೆ ನಟಿ,ಮೋಡೆಲ್‌ಆಗಿದ್ದ ಶಹನಾ (20) ಎಂಬಾಕೆ ಕಲ್ಲಿಕೋಟೆಯ ಬಾಡಿಗೆ ಮನೆಯೊಳಗೆ ನಿಗೂಡವಾಗಿ ಸಾವಿಗೀಡಾದ ಪ್ರಕರಣದಲ್ಲಿ ಪತಿ ಕಲ್ಲಿಕೋಟೆಯ ಅಯ್ಯಪ್ಪನ್‌ಕಂಡಿ ಸಜ್ಜಾದ್‌ (31) ಎಂಬಾತ ಆರೋಪಿಯಾಗಿರುವುದಾಗಿ ಜಿಲ್ಲಾ ಪೊಲೀಸ್‌ ಅಧಿಕಾರಿ ಕೆ.ಸುದರ್ಶನ್‌ ಅವರ ತನಿಖೆಯಿಂದ ದೃಢಪಟ್ಟಿದೆ.

ಪತ್ನಿಗೆ ದೈಹಿಕ ಮತ್ತು ಮಾನಸಿಕವಾಗಿ ಕಿರುಕುಳ ನೀಡಿದ ಕಾರಣ ಶಹಾನಾ ನೇಣಿಗೆ ಶರಣಾಗಿರುದಾಗಿ ತಿಳಿದು ಬಂದಿದ್ದು ಆರೋಪಿಯ ಮನೆಯಲ್ಲಿ ಮಾದಕ ವಸ್ತುಗಳು ಪತ್ತೆಯಾಗಿದೆ.

ಸಾವಿನ ಹಿಂದಿನ ದಿನ ಮನೆಯೊಳಗೆ ಸತಿಪತಿಗಳ ಜಗಳ ಕೇಳಿರುವುದಾಗಿ ನೆರೆ ಮನೆಯವರು ಪೊಲೀಸರಿಗೆ ತಿಳಿಸಿದ್ದಾರೆ.

ನಟಿಯ ದೇಹದಲ್ಲಿ ಹಲ್ಲೆಯ ಗಾಯವಾಗಿದ್ದು ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ.