Kaup: ಉದ್ಯಾವರ: ಮನೆಯ ಬೀಗ ಮುರಿದು ಸೊತ್ತು ಕಳವು

ಕಾಪು: ಬೆಂಗಳೂರಿನ ಐಟಿ ಕಂಪೆನಿ ಉದ್ಯೋಗಿ ಸುಮಂತ್‌ ಅವರ ಉದ್ಯಾವರದಲ್ಲಿರುವ ಮನೆಯ ಬೀಗ ಮುರಿದು ಲಕ್ಷಾಂತರ ರೂ. ಮೌಲ್ಯದ ಸೊತ್ತು ಕಳವು ಗೈದಿರುವ ಘಟನೆ ಬೆಳಕಿಗೆ ಬಂದಿದೆ.

ಮನೆಯಲ್ಲಿ ಯಾರು ಇರಲಿಲ್ಲ. ರಜೆಯ ಸಂದರ್ಭದಲ್ಲಿ ಒಂದೂವರೆ ತಿಂಗಳಿಗೊಮ್ಮೆ ಸುಮಂತ್‌ ಬಂದು ಹೋಗುತ್ತಿರುತ್ತಾರೆ. ದೀಪಾವಳಿ ಹಬ್ಬಕ್ಕೆ ಊರಿಗೆ ಬಂದು ಬೆಂಗಳೂರಿಗೆ ತೆರಳಿದ್ದರು.

ಶುಕ್ರವಾರ ಸುಮಂತ್‌ ಅವರ ಚಿಕ್ಕಪ್ಪನ ಮಗ ಸ್ವತ್ಛ ಮಾಡಲು ಬಂದಾಗ ಒಳಗಿನ ಬಾಗಿಲು ಮುರಿದು ಸೊತ್ತುಗಳು ಚೆಲ್ಲಾಪಿಲ್ಲಿಯಾಗಿರುವುದು ಗೊತ್ತಾಗಿದೆ. ಬೆಂಗಳೂರಿನಿಂದ ಸುಮಂತ್‌ ಶನಿವಾರ ಬಂದು ನೋಡಿದಾಗ ಚಿನ್ನ ಸಹಿತ ಬೆಳ್ಳಿ ಸೊತ್ತುಗಳು ಕಳವಾಗಿರುವುದು ತಿಳಿದು ಬಂದಿದ್ದು, ಬಳಿಕ ಪೊಲೀಸರಿಗೆ ದೂರು ನೀಡಲಾಗಿದೆ.

ಲಾಕರ್‌ನಲ್ಲಿದ್ದ 72.2 ಗ್ರಾಂ ತೂಕದ 2,88,000 ರೂ. ಮೌಲ್ಯದ ಚಿನ್ನ ಮತ್ತು 330 ಗ್ರಾಂ ತೂಕದ 16,500 ರೂ. ಮೌಲ್ಯದ ಬೆಳ್ಳಿ ಹಾಗೂ ಇವುಗಳ ಜತೆಗೆ ಎಲ್‌.ಐ.ಸಿ. ಬಾಂಡ್‌ ಫೈಲ್‌ಗ‌ಳು ಮತ್ತು ಜಾಗಕ್ಕೆ ಸಂಬಂಧಪಟ್ಟ ಮೂಲ ದಾಖಲಾತಿಗಳು ಕಳವಾಗಿವೆ. ಕಾಪು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.