Kasaragod13.24 ಲಕ್ಷ ರೂ. ವಿದೇಶಿ, ಭಾರತೀಯ ಕರೆನ್ಸಿ ವಶಕ್ಕೆ

ಕಾಸರಗೋಡು: ನಗರದ ಚಕ್ಕರಬಜಾರ್‌ನಿಂದ ಕಾಸರಗೋಡು ಪೊಲೀಸರು 13,24,800 ರೂ. ಮೌಲ್ಯದ ವಿದೇಶಿ ಹಾಗು 32 ಸಾವಿರ ರೂ. ಭಾರತೀಯ ಕರೆನ್ಸಿ ನೋಟುಗಳನ್ನು ವಶಪಡಿಸಿಕೊಂಡಿದ್ದಾರೆ.

ಕಾಳಧನವೆಂಬ ಶಂಕೆಯಲ್ಲಿ ಈ ನೋಟುಗಳನ್ನು ವಶಪಡಿಸಿಕೊಂಡು ಈ ಸಂಬಂಧ ಮಲಪ್ಪುರಂ ನಿಡಿಇರಿಪ್ಪ್ ಗ್ರಾಮದ ಕೊಂಡೋಟಿ ಕೊಟ್ಟಿಯೋಡತ್ತಿಲ್‌ ಹೌಸ್‌ನ ಅಬೂಬಕರ್‌ ಪಿ. ಸಿದ್ದಿಕ್‌ (47)ನನ್ನು ವಶಕ್ಕೆ ತೆಗೆದುಕೊಂಡು ವಿಚಾರಣೆ ನಡೆಸುತ್ತಿದ್ದಾರೆ.

ವಶಪಡಿಸಿಕೊಂಡ ಕರೆನ್ಸಿಗಳಲ್ಲಿ 120 ಸೌದಿ ರಿಯಾಲ್‌ ಮತು 500 ರೂ.ಗಳ 65 ನೋಟುಗಳ ಒಟ್ಟು 32 ಸಾವಿರ ರೂ. ಭಾರತೀಯ ಕರೆನ್ಸಿ ಒಳಗೊಂಡಿದೆ. ಕಾಳಧನ ಸಾಗಿಸುವ ಬಗ್ಗೆ ಪೊಲೀಸರಿಗೆ ಲಭಿಸಿದ ರಹಸ್ಯ ಮಾಹಿತಿಯಂತೆ ಜ. 12ರಂದು ರಾತ್ರಿ ಕಾರ್ಯಾಚರಣೆ ನಡೆಸಲಾಗಿತ್ತು.