Kasaragod: ಎಳನೀರು ಎಸೆದ ಮಂಗ; ಮಹಿಳೆಗೆ ಗಾಯ

ಕಾಸರಗೋಡು: ಮುಳಿಯಾರು ಪರಿಸರದಲ್ಲಿ ಮಂಗನ ಹಾವಳಿಯೂ ಅತಿಯಾಗಿದ್ದು, ಮಂಗನ ಆಕ್ರಮಣದಿಂದ ಮಹಿಳೆಯೊಬ್ಬರ ಕೈ ಮೂಳೆ ಮುರಿದಿದೆ.

ಮನೆಯಂಗಳದ ತೆಂಗಿನ ಮರವೇರಿದ ಮಂಗಗಳನ್ನು ಓಡಿಸಲು ಯತ್ನಿಸಿದಾಗ ಮಂಗವೊಂದು ಕೈಯಲ್ಲಿದ್ದ ಎಳನೀರನ್ನು ಮಹಿಳೆಯತ್ತ ಎಸೆದಿದ್ದು, ಇದರಿಂದ ಮಹಿಳೆಯ ಕೈಯ ಮೂಳೆ ಮುರಿಯಿತು. ಮುಳಿಯಾರು ಬಾವಿಕೆರೆಯ ಕೊಳತ್ತೂರಿನ ಕೃಷ್ಣನ್‌ ನಾಯರ್‌ ಅವರ ಪತ್ನಿ ಸಾವಿತ್ರಿ ಗಾಯಗೊಂಡಿದ್ದು ಚೆಂಗಳ ಸಹಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.