Kasaragod ಅಡ್ಕತ್ತಬೈಲ್‌: ಮನೆಯ ಛಾವಣಿ ಸಂಪೂರ್ಣ ಕುಸಿತ

ಕಾಸರಗೋಡು: ಅಡ್ಕತ್ತಬೈಲು ಶಾಲೆಯ ಹಿಂದುಗಡೆ ಇರುವ ಹಳೆಯ ಹೆಂಚಿನ ಮನೆ ಯೊಂದು ಬುಧವಾರ ಬೆಳಗ್ಗೆ ಕುಸಿದು ಬಿದ್ದಿದ್ದು, ಕುಟುಂಬ ತತ್ತರಿಸಿದೆ.

ಕಿಶೋರ್‌ ಕುಮಾರ್‌ – ಶಶಿಕಲಾ ದಂಪತಿಯ ಹಳೆಯ ಮನೆ ಇದಾಗಿದ್ದು, ಬೆಳಗ್ಗೆ ಸುಮಾರು 6 ಗಂಟೆಗೆ ಮನೆಯ ಛಾವಣಿ ಸಂಪೂರ್ಣ ಕುಸಿದು ಬಿದ್ದಿದೆ. ಮನೆ ಈ ಮೊದಲೇ ಸೋರುತ್ತಿದ್ದ ಹಿನ್ನೆಲೆಯಲ್ಲಿ ಅದಕ್ಕೆ ಟರ್ಪಾಲ್‌ ಹಾಕಲಾಗಿತ್ತು. ಆದರೆ ಮಾಡು ದುರ್ಬಲವಾಗಿದ್ದ ಹಿನ್ನೆಲೆಯಲ್ಲಿ ಬಿದ್ದಿದೆ. ಹಳೆ ಮನೆಯಾದ್ದರಿಂದ ಅಟ್ಟ ಇದ್ದು, ಮಾಡು ಕುಸಿದರೂ ಒಳಗೆ ಬೀಳದ ಕಾರಣದಿಂದ ದಂಪತಿ ಅಪಾಯದಿಂದ ಪಾರಾಗಿದ್ದಾರೆ. ಅನಿರೀಕ್ಷಿತವಾಗಿ ಸುರಿದ ಭಾರೀ ಮಳೆಯಿಂದಾಗಿ ಮನೆಯ ಮೇಲ್ಛಾವಣಿ ಸಂಪೂರ್ಣವಾಗಿ ಕುಸಿಯಲು ಕಾರಣವಾಗಿದೆ.