Kasaragod: ಸ್ಕೂಟರ್‌ನಿಂದ ರಸ್ತೆಗೆ ಬಿದ್ದ ಮಹಿಳೆಯ ಮೇಲೆ ಕಂಟೈನರ್‌ ಲಾರಿ ಹರಿದು ಸಾವು

ಕಾಸರಗೋಡು: ಸಂಚರಿಸುತ್ತಿದ್ದ ಸ್ಕೂಟರ್‌ನಿಂದ ರಸ್ತೆಗೆ ಬಿದ್ದ ಮಹಿಳೆಯ ಮೈಮೇಲೆ ಕಂಟೈನರ್‌ ಲಾರಿ ಹರಿದು ಸಾವಿಗೀಡಾದ ಘಟನೆ ನಡೆದಿದೆ.

ಚಟ್ಟಂಚಾಲ್‌ ಟಾಟಾ ಕೋವಿಡ್‌ ಆಸ್ಪತ್ರೆಯ ಬಳಿಯ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಅಪಘಾತ ಸಂಭವಿಸಿದ್ದು, ಪೈಕ ಚಂದ್ರಪ್ಪಾರ ನಿವಾಸಿ ಮಣಿ ಅವರ ಪತ್ನಿ ಶಶಿಕಲ(30) ಸಾವಿಗೀಡಾದರು.

ಅ.3 ರಂದು ರಾತ್ರಿ ಚಟ್ಟಂಚಾಲ್‌-ಚೆರ್ಕಳ ರಾಷ್ಟ್ರೀಯ ಹೆದ್ದಾರಿಯಲ್ಲಿ ತೆಕ್ಕಿಲ್‌ನ ಏರು ರಸ್ತೆಯಲ್ಲಿ ಅಪಘಾತ ಸಂಭಿವಿಸಿದೆ. ಪತಿ, ಇಬ್ಬರು ಮಕ್ಕಳು ಸಹಿತ ಸ್ಕೂಟರ್‌ನಲ್ಲಿ ಸಂಚರಿಸುತ್ತಿದ್ದಾಗ ಕಂಟೈನರ್‌ ಢಿಕ್ಕಿ ಹೊಡೆಯಿತು. ಢಿಕ್ಕಿ ಹೊಡೆದ ಆಘಾತಕ್ಕೆ ಶಶಿಕಲ ರಸ್ತೆಗೆ ಬಿದ್ದಿದ್ದು, ಅವರ ಮೈಮೇಲೆ ಕಂಟೈನರ್‌ ಹರಿದು ದುರಂತ ಸಂಭವಿಸಿತು. ಇವರ ಪತ್ನಿ ಮಣಿ, ಮಕ್ಕಳಾದ ಆರಾಧ್ಯ(4) ಆದಿ (ಒಂದೂವರೆ ವರ್ಷ) ಸಣ್ಣಪುಟ್ಟ ಗಾಯಗೊಂಡಿದ್ದಾರೆ.