Advertisement

ದ್ವಿತೀಯ ಏಕದಿನ: ಮಳೆ ಪಂದ್ಯ ಗೆದ್ದ ಶ್ರೀಲಂಕಾ; ಆಸ್ಟ್ರೇಲಿಯಕ್ಕೆ 26 ರನ್‌ ಸೋಲು

05:45 PM Jun 17, 2022 | Team Udayavani |

ಪಲ್ಲೆಕೆಲೆ: ಮಳೆಯಿಂದ ಅಡಚಣೆಗೊಳಗಾದ ದ್ವಿತೀಯ ಏಕದಿನ ಪಂದ್ಯದಲ್ಲಿ ಆಸ್ಟ್ರೇಲಿಯವನ್ನು 26 ರನ್ನುಗಳಿಂದ ಮಣಿಸಿದ ಶ್ರೀಲಂಕಾ ಸರಣಿಯನ್ನು 1-1 ಸಮಬಲಕ್ಕೆ ತರುವಲ್ಲಿ ಯಶಸ್ವಿಯಾಗಿದೆ.

Advertisement

ಶ್ರೀಲಂಕಾ 47.4 ಓವರ್‌ಗಳಲ್ಲಿ 9 ವಿಕೆಟಿಗೆ 220 ರನ್‌ ಗಳಿಸಿದ ವೇಳೆ ಮಳೆ ಬಂದುದರಿಂದ ಇನ್ನಿಂಗ್ಸ್‌ ಮುಂದುವರಿಯಲಿಲ್ಲ. ಆಸ್ಟ್ರೇಲಿಯಕ್ಕೆ 43 ಓವರ್‌ಗಳಲ್ಲಿ 216 ರನ್‌ ತೆಗೆಯುವ ಗುರಿ ನಿಗದಿಪಡಿಸಲಾಯಿತು. ಲಂಕಾ ದಾಳಿಗೆ ತತ್ತರಿಸಿದ ಕಾಂಗರೂ ಪಡೆ 37.1 ಓವರ್‌ಗಳಲ್ಲಿ 189ಕ್ಕೆ ಕುಸಿಯಿತು.

ಚಮಿಕ ಕರುಣಾರತ್ನೆ 3, ದುಷ್ಮಂತ ಚಮೀರ, ಧನಂಜಯ ಡಿ ಸಿಲ್ವ ಮತ್ತು ದುನಿತ್‌ ವೆಲ್ಲಲಗೆ ತಲಾ 2 ವಿಕೆಟ್‌ ಕಿತ್ತು ಆಸ್ಟ್ರೇಲಿಯವನ್ನು ಉರುಳಿಸಿದರು. 37 ರನ್‌ ಮಾಡಿದ ಡೇವಿಡ್‌ ವಾರ್ನರ್‌ ಆಸೀಸ್‌ ಹಾಗೂ ಈ ಪಂದ್ಯದ ಟಾಪ್‌ ಸ್ಕೋರರ್‌ ಎನಿಸಿದರು.

ಶ್ರೀಲಂಕಾ ಸರದಿಯಲ್ಲೂ ಯಾರಿಂದಲೂ ದೊಡ್ಡ ಕೊಡುಗೆ ಸಂದಾಯವಾಗಲಿಲ್ಲ. 36 ರನ್‌ ಮಾಡಿದ ಕುಸಲ್‌ ಮೆಂಡಿಸ್‌ ಅವರದೇ ಹೆಚ್ಚಿನ ಗಳಿಕೆ. ಧನಂಜಯ ಡಿ ಸಿಲ್ವ ಮತ್ತು ನಾಯಕ ದಸುನ್‌ ಶಣಕ 34 ರನ್‌ ಹೊಡೆದರು. ಪ್ಯಾಟ್‌ ಕಮಿನ್ಸ್‌ ಘಾತಕ ದಾಳಿ ನಡೆಸಿ 4 ವಿಕೆಟ್‌ ಉರುಳಿಸಿದರು.

ಇದನ್ನೂ ಓದಿ:ನಾಳೆ ದ್ವಿತೀಯ ಪಿಯುಸಿ ಪರೀಕ್ಷೆ ಫಲಿತಾಂಶ ಪ್ರಕಟ: ಸಚಿವ ಬಿ.ಸಿ.ನಾಗೇಶ್

Advertisement

ಸಂಕ್ಷಿಪ್ತ ಸ್ಕೋರ್‌: ಶ್ರೀಲಂಕಾ-47.4 ಓವರ್‌ಗಳಲ್ಲಿ 9 ವಿಕೆಟಿಗೆ 220 (ಮೆಂಡಿಸ್‌ 36, ಡಿ ಸಿಲ್ವ 34, ಶಣಕ 34, ಕಮಿನ್ಸ್‌ 35ಕ್ಕೆ 4, ಮಾಕ್ಸ್‌ವೆಲ್‌ 35ಕ್ಕೆ 2, ಕನೆಮನ್‌ 35ಕ್ಕೆ 2). ಆಸ್ಟ್ರೇಲಿಯ-37.1 ಓವರ್‌ಗಳಲ್ಲಿ 189 (ವಾರ್ನರ್‌ 37, ಮ್ಯಾಕ್ಸ್‌ವೆಲ್‌ 30, ಸ್ಮಿತ್‌ 28, ಹೆಡ್‌ 23, ಕರುಣಾರತ್ನೆ 47ಕ್ಕೆ 3, ಚಮೀರ 19ಕ್ಕೆ 2, ಡಿ ಸಿಲ್ವ 26ಕ್ಕೆ 2, ವೆಲ್ಲಲಗೆ 25ಕ್ಕೆ 2).

ಪಂದ್ಯಶ್ರೇಷ್ಠ: ಚಮಿಕಾ ಕರುಣಾರತ್ನೆ.

 

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next