Karnataka: 3.35 ಲಕ್ಷ ಕೋಟಿ ರೂ. ಗಾತ್ರದ ಬಜೆಟ್‌?

ಬೆಂಗಳೂರು: ಈ ಬಾರಿ ಮಂಡಿಸುವ ಬಜೆಟ್‌ 3.35 ಲಕ್ಷ ಕೋಟಿ ರೂ.ಗಳಾಗಿರಬಹುದು ಎಂದು ಹಣಕಾಸು ಖಾತೆಯನ್ನೂ ಹೊಂದಿರುವ ಮುಖ್ಯಮಂತ್ರಿ ಸಿದ್ದರಾಮಯ್ಯ ಹೇಳಿದರು.

ನಾವು ಘೋಷಿಸಿರುವ ಗ್ಯಾರಂಟಿಗಳಿಗೆ 59 ಸಾವಿರ ಕೋಟಿ ರೂ. ಬೇಕಾಗಬಹುದು. ಇದರಲ್ಲಿ 40 ಸಾವಿರ ಕೋಟಿ ರೂ. ಹೊಂದಾಣಿಕೆ ಮಾಡಬೇಕಿದೆ. ಆದ್ದರಿಂದ ಬಜೆಟ್‌ ಗಾತ್ರ ಹೆಚ್ಚುವ ಸಂಭವವಿದೆ. ನಮ್ಮ ಸರಕಾರದ ಬಜೆಟ್‌ ಆಗಸ್ಟ್‌ 1ರಿಂದ ಜಾರಿಗೆ ಬರಲಿದೆ ಎಂದು ತಿಳಿಸಿದರು.

ಕೆಂಗಲ್‌ ಹನುಮಂತಯ್ಯ ಅವರು ಮಂಡಿಸಿದ್ದ ರಾಜ್ಯದ ಮೊದಲ ಬಜೆಟ್‌ನ ಗಾತ್ರ 21.3 ಕೋಟಿ ರೂ. ಗಳಾಗಿತ್ತು. ಹಿಂದಿನ ಸರಕಾರ 3.09 ಲಕ್ಷ ಕೋಟಿ ರೂ.ಗಳ ಬಜೆಟ್‌ ಮಂಡಿಸಿತ್ತು. ಈ ಹಿಂದಿನ ಸರಕಾರ ನಾಲ್ಕು ತಿಂಗಳಿಗೆ ಲೇಖಾನುದಾನ ಪಡೆದುಕೊಂಡಿತ್ತು ಎಂದು ಹೇಳಿದರು.