Karachi ‘ಡ್ರೀಮ್‌ ಬಜಾರ್‌’ ಉದ್ಘಾಟನ ದಿನದಂದೇ ಭಗ್ನ!

ಕರಾಚಿ: ಪಾಕಿಸ್ಥಾನದ ಕರಾಚಿಯಲ್ಲಿ ಪ್ರಾರಂಭವಾದ ವಸ್ತ್ರ ಮಳಿಗೆಯೊಂದು ಉದ್ಘಾಟನೆ ದಿನವೇ ಧ್ವಂಸಗೊಂಡಿದೆ. ಇಡೀ ಮಳಿಗೆಯನ್ನು ಜನಸಮೂಹವೇ ಕೊಳ್ಳೆ ಹೊಡೆದಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಘಟನೆಯ ವೀಡಿಯೋ ವೈರಲ್‌ ಆಗಿದೆ. “ಡ್ರೀಮ್‌ ಬಜಾರ್‌’ ಹೆಸರಿನ ಈ ಮಳಿಗೆ ಉದ್ಘಾಟನೆ ಪ್ರಯುಕ್ತ ಗ್ರಾಹಕರಿಗೆ ವಿಶೇಷ ಡಿಸ್ಕೌಂಟ್‌ ಘೋಷಿಸಿತ್ತು. ಈ ಹಿನ್ನೆಲೆಯಲ್ಲಿ ಜನರು ಏಕಾಏಕಿ ಖರೀದಿಗಾಗಿ ಮುಗಿಬಿದ್ದರು. ಹೆಚ್ಚಿನ ಜನಸಮೂಹವನ್ನು ನಿಭಾ ಯಿಸಲಾಗದೇ ಕೆಲಹೊತ್ತಲ್ಲೇ ಮಳಿಗೆಯನ್ನು ಸಿಬಂದಿ ಮುಚ್ಚಲು ಹೊರಟಾಗ ಜನಸಮೂಹ ಬಲವಂತವಾಗಿ ಒಳಪ್ರವೇಶಿಸಿ ಮಳಿಗೆಯನ್ನು ಲೂಟಿಗೈದಿದ್ದಾರೆ.