ಕನ್ನಡಕಕ್ಕಾಗಿ ಕೈ ಎತ್ತು!

ಅದೇಕೋ ಗೊತ್ತಿಲ್ಲ. ನನ್ನ ಕನ್ನಡಕ ಚೆನ್ನಾಗಿಯೇ ಇದ್ದರೂ, ನಿನ್ನ ಕನ್ನಡಕದ ಮೇಲೆ ನನಗೇಕೋ ಕಣ್ಣು. ಕೊಕ್ಕರೆಯ ಕಾಲಿನಂತೆ ಸುಂದರ ಆಗಿತ್ತದು.

ನಮ್ಮದು ಅಗಾಧ ಕನ್ನಡಕಪ್ರೇಮ! ಹುಡುಗರ ಸಾಲಿನಲ್ಲಿ ನಾವು ಮೂವರು ಕನ್ನಡಕಧಾರಿಗಳು. ಆದರೆ, ಹುಡುಗಿಯರ ಸಾಲಿನಲ್ಲಿ ನೀ ಒಬ್ಬಳೇ. ಪದವಿಯ ಕಡೆಯ ವರ್ಷದ ದಿನಗಳ ನೆನಪು ಈಗಲೂ ಹಸಿರಾಗಿದೆ. ನಮ್ಮ ವಿಭಾಗದ ನೂರಾ ಹನ್ನೆರಡು ವಿದ್ಯಾರ್ಥಿಗಳು
ಈ ವರ್ಷ ಒಂದು ದಿನವೂ ತಪ್ಪಿಸಿಕೊಳ್ಳದೆ ಕಾಲೇಜಿಗೆ ಬರಬೇಕೆಂಬ ಅಲಿಖೀತ ಒಪ್ಪಂದ ನೆನಪಿದೆಯಾ? ಒಪ್ಪಂದದ ಮೇರೆ ಮೀರಿದವರು ಪಾರ್ಟಿ ಕೊಡಿಸಬೇಕೆಂಬ ಕರಾರು ಇತ್ತಲ್ಲವೇ? ಅದೇಕೋ ಗೊತ್ತಿಲ್ಲ. ನನ್ನ ಕನ್ನಡಕ ಚೆನ್ನಾಗಿಯೇ ಇದ್ದರೂ, ನಿನ್ನ ಕನ್ನಡಕದ ಮೇಲೆ ನನಗೇಕೋ ಕಣ್ಣು.

ಕೊಕ್ಕರೆಯ ಕಾಲಿನಂತೆ ಸುಂದರ ಆಗಿತ್ತದು. ನಿನ್ನ ಕನ್ನಡಕ ಅಕಸ್ಮಾತ್‌ ಬಿದ್ದು ಒಡೆಯಿತೆಂದು, ನೀನು ಎರಡು ದಿನ ಕಾಲೇಜಿಗೆ ಬರಲೇ ಇಲ್ಲ. ಕನ್ನಡಕ ಬಿದ್ದು ಚೂರಾದಾಗ, ನನ್ನ ಹೃದಯವೇ ಪುಡಿಯಾದಂತೆ ದುಃಖೀಸಿದ್ದೆ. ಆದರೂ,  ಆ ದುಃಖವನ್ನು ನಿನ್ನೆದುರು ತೋರಿಸಿಕೊಳ್ಳಲಿಲ್ಲ. ಮಾರನೆಯ ದಿನ ಹೊಸ ಕನ್ನಡಕದಲ್ಲಿ ಬಂದಾಗ ನಿನಗೆ ಪಾರ್ಟಿಗಾಗಿ ಪೀಡಿಸಿದವರಲ್ಲಿ ನಾನೇ ಮೊದಲಿಗನಾಗಿದ್ದೆ! ಆದರೆ, ಕನ್ನಡಕಕ್ಕೆ ಹಣ ಖರ್ಚಾಯಿತೆಂದು ನೀ ಅಂದಾಗ ನಾವೇ ಹಂಚಿಕೊಂಡು ಪಾರ್ಟಿ ಮಾಡಿದ್ದೇವಲ್ಲವೆ?
ಪದವಿಯ ಮೊದಲ ವರ್ಷದಲ್ಲಿ ತಮಾಷೆಗೆಂದು ನನ್ನ ನಿನ್ನ ಕನ್ನಡಕಗಳನ್ನು ಬದಲಾಯಿಸಿಕೊಂಡು ಆದ ಫ‌ಜೀತಿ ಈಗಲೂ ನಗು ಸ್ಪುರಿಸುತ್ತದೆ.

ಅದೃಷ್ಟವಶಾತ್‌, ಒಂದೇ ಒಂದು ಪೀರಿಯಡ್‌ ಹೀಗೆ ಬದಲಾಯಿಸಿಕೊಂಡದ್ದು! ಅದೂ ಕನ್ನಡ ತರಗತಿಯಲ್ಲಿ. ವರ್ಷಕ್ಕೊಂದರಂತೆ ನಾನೂ ಕನ್ನಡಕ ಬದಲಿಸು ತ್ತೇನೆ. ಆದರೆ, ನಾನೂ ನೀನೂ ಬದಲಾಗಿಲ್ಲ. ಹೊಸ ವರುಷದ ಹೊಸ ಕನ್ನಡಕದ ಕಣ್ಣಿನಲ್ಲಿ ನಿನ್ನನ್ನು ನೋಡ ಬಯಸುತ್ತೇನೆ. 

ಶಿವನಾಪುರ ನರಸಿಂಹಮೂರ್ತಿ, ಬೆಂಗಳೂರು