ಕಾಂತಾರಾ ಆಸ್ಕರ್‌ಗೆ ಆಯ್ಕೆಯಾಗಲಿ: ನಟಿ ಕಂಗನಾ ರಣಾವತ್‌

ಮುಂಬೈ: ರಿಷಭ್‌ ಶೆಟ್ಟಿ ನಿರ್ದೇಶಿಸಿ, ನಟಿಸಿರುವ “ಕಾಂತಾರಾ’ ಸಿನಿಮಾ ಮುಂದಿನ ವರ್ಷ ಭಾರತದಿಂದ ಆಸ್ಕರ್‌ಗೆ ಆಯ್ಕೆಯಾಗಬೇಕು ಎಂದು ಬಾಲಿವುಡ್‌ ನಟಿ ಕಂಗನಾ ರಣಾವತ್‌ ಹೇಳಿದ್ದಾರೆ.

ಗುರುವಾರ ಸಿನಿಮಾ ನೋಡಿ ಮೈ ರೋಮಾಂಚನವಾಗಿದ್ದಾಗಿ ಹೇಳಿರುವ ಅವರು, ಶುಕ್ರವಾರ ಅದರ ಬಗ್ಗೆ ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್‌ ಮಾಡಿದ್ದಾರೆ. “ಭಾರತವು ಜಾಗತಿಕ ವೇದಿಕೆಯಲ್ಲಿ ಸೂಕ್ತ ಸಿನಿಮಾಗಳನ್ನು ಪ್ರತಿನಿಧಿಸಬೇಕು.

ನಮ್ಮದು ರಹಸ್ಯಗಳ ದೇಶ, ಇಲ್ಲಿನ ರಹಸ್ಯಗಳನ್ನು ಯಾರೂ ಅರ್ಥ ಮಾಡಿಕೊಳ್ಳುವುದಕ್ಕೆ ಸಾಧ್ಯವಿಲ್ಲ, ಅದನ್ನು ಅನುಭವಿಸಬಹುದು ಅಷ್ಟೇ. ಕಾಂತಾರಾ ನಮ್ಮ ಜಗತ್ತು ಅನುಭವಿಸಲೇಬೇಕಾದ ವಾಸ್ತವ’ ಎಂದು ಅವರು ಹೇಳಿದ್ದಾರೆ.