ಕಮಲಾ ಮಿಲ್ಸ್‌ ಮಾಲಕ ಬಂಧನ; ಪೊಲೀಸ್‌ ಕಸ್ಟಡಿಗೆ

ಮುಂಬಯಿ: ಕಳೆದ ತಿಂಗಳಲ್ಲಿ 14 ಮಂದಿ ಅಮಾಯಕರನ್ನು ಬಲಿ ಪಡೆದಿದ್ದ ಮುಂಬಯಿಯ ಲೋವರ್‌ ಪರೇಲ್‌ ಪ್ರದೇಶದಲ್ಲಿನ ಕಮಲಾ ಮಿಲ್ಸ್‌ ಅಗ್ನಿ ದುರಂತ ಪ್ರಕರಣಕ್ಕೆ ಸಂಬಂಧಿಸಿ ಬಂಧಿತನಾಗಿದ್ದ ಕಮಲಾ ಮಿಲ್ಸ್‌ನ ಸಹ-ಮಾಲಕ ರಮೇಶ್‌ ಗೋವಾನಿ ಯನ್ನು ಜನವರಿ 29ರ ವರೆಗೆ ಪೊಲೀಸ್‌ ಕಸ್ಟಡಿಗೆ ಒಪ್ಪಿಸಲಾಗಿದೆ.

ಗೋವಾನಿ ಯನ್ನು ನಿನ್ನೆ ಸೋಮವಾರ ಬಂಧಿಸಲಾಗಿತ್ತು. ಇಂದು ಆತನನ್ನು ನ್ಯಾಯಾಲಯದಲ್ಲಿ  ಹಾಜರುಪಡಿಸಲಾಯಿತು. ನ್ಯಾಯಾಲಯ ಆತನನ್ನು ಜನವರಿ 29ರ ವರೆಗೆ ಪೊಲೀಸ್‌ ಕಸ್ಟಡಿಗೆ ಒಪ್ಪಿಸಿತು ಎಂದು ಡೆಪ್ಯುಟಿ ಪೊಲೀಸ್‌ ಕಮಿಷನರ್‌ ವೀರೇಂದ್ರ ಮಿಶ್ರಾ ತಿಳಿಸಿದ್ದಾರೆ.