ಟ್ವೀಟ್ ವಿವಾದ: 9 ದಿನಗಳ ಬಳಿಕ ನಟ ಕಮಲ್ ಆರ್ ಖಾನ್ ಗೆ ಜಾಮೀನು ಮಂಜೂರು

ಮುಂಬೈ: 2020ರಲ್ಲಿ ಇರ್ಫಾನ್ ಮತ್ತು ರಿಷಿ ಕಪೂರ್ ಗೆ ಸಂಬಂಧಿಸಿದ ವಿವಾದಿತ ಟ್ವೀಟ್ ವಿಚಾರದಲ್ಲಿ ನಟ, ನಿರ್ಮಾಪಕ ಕಮಲ್ ಆರ್ ಖಾನ್ ಬಂಧನವಾಗಿದ್ದು, ಬಳಿಕ ವಾರದೊಳಗೆ 2021ರ ಲೈಂಗಿಕ ಕಿರುಕುಳ ಪ್ರಕರಣದಲ್ಲಿ ಖಾನ್ ಮತ್ತೆ ಸೆಪ್ಟೆಂಬರ್ 3ರಂದು ಬಂಧಿಸಲ್ಪಟ್ಟ ಘಟನೆ ನಡೆದಿತ್ತು.

ಇದನ್ನೂ ಓದಿ:ಭಾರಿ ಮಳೆಗೆ ರಸ್ತೆ ತುಂಬೆಲ್ಲಾ ನೀರು : ಹೈದರಾಬಾದ್ ಮುಖ್ಯರಸ್ತೆಯಲ್ಲಿ ಟ್ರಾಫಿಕ್ ಜಾಮ್

ಇದೀಗ ಒಂಬತ್ತು ದಿನಗಳ ಜೈಲುವಾಸದ ನಂತರ ಕೋರ್ಟ್ ಜಾಮೀನು ನೀಡಿದ್ದು, ಗುರುವಾರ (ಸೆಪ್ಟೆಂಬರ್ 08) ಥಾಣೆ ಜೈಲಿನಿಂದ ಬಿಡುಗಡೆಯಾಗಲಿದ್ದಾರೆಂದು ವರದಿ ತಿಳಿಸಿದೆ.

ಲೈಂಗಿಕ ಕಿರುಕುಳ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬೊರಿವಲಿ ಕೋರ್ಟ್ ಮ್ಯಾಜಿಸ್ಟ್ರೇಟ್ ಮಂಗಳವಾರ (ಸೆ.06) ಕೆಆರ್ ಕೆಗೆ ಜಾಮೀನು ನೀಡಿದ್ದರು. ವೈಯಕ್ತಿಕವಾಗಿ 15,000 ರೂಪಾಯಿ ಬಾಂಡ್ ಅಥವಾ ಅಷ್ಟೇ ಮೊತ್ತದ ಭದ್ರತಾ ಠೇವಣಿ ನೀಡಬೇಕೆಂಬ ಷರತ್ತು ವಿಧಿಸಿ ಆರೋಪಿಗೆ ಜಾಮೀನು ನೀಡಲಾಗಿದೆ.

ಆರೋಪಿ ಕೆಆರ್ ಖಾನ್ ಸಂಬಂಧಪಟ್ಟ ಪೊಲೀಸ್ ಠಾಣೆಗೆ ಎರಡನೇ ಮತ್ತು ನಾಲ್ಕನೇ ಸೋಮವಾರ ಬೆಳಗ್ಗೆ 10ರಿಂದ 11ಗಂಟೆಯೊಳಗೆ ಠಾಣಾಧಿಕಾರಿ ಮುಂದೆ ಹಾಜರಾಗಬೇಕು ಎಂದು ಕೋರ್ಟ್ ತಿಳಿಸಿದೆ.