ಗೋಳ್ತಮಜಲು ಗ್ರಾಮದ ಹೊಸೈಮಾರ್‌ ನಿವಾಸಿ ಜಗದೀಶ್‌ ಮೃತಪಟ್ಟವರು. ಅವರು ವೀಡಿಯೋಗ್ರಾಫರ್‌ ಹಾಗೂ ಚಾಲಕರಾಗಿ ವೃತ್ತಿ ನಿರ್ವಹಿಸುತ್ತಿದ್ದು, ಸಂಬಂಧಿಕರ ಜತೆ ತರವಾಡು ಮನೆಯಲ್ಲಿ ನಡೆದ ದೈವದ ಕಾರ್ಯ ಮುಗಿಸಿ ಮಧ್ಯಾಹ್ನ ಹಿಂದಿರುಗಿ ಬರುತ್ತಿದ್ದ ವೇಳೆ ಕಲ್ಲಡ್ಕ ತಲುಪುತ್ತಿದ್ದಂತೆ ತಾನು ಆಯಾಸಗೊಂಡಿದ್ದು, ಕಾರಿನಲ್ಲೇ ಮಲಗುತ್ತೇನೆ ಎಂದಿದ್ದಾರೆ. ಬಳಿಕ ಸಂಬಂಧಿಕರು ಬೇರೆ ವಾಹನದ ಮೂಲಕ ಮನೆಗೆ ಬಂದಿದ್ದಾರೆ.
ಆದರೆ ಜಗದೀಶ್‌ ಅವರು ರಾತ್ರಿ 7 ಗಂಟೆ ಕಳೆದರೂ ಮನೆಗೆ ಬಾರದೇ ಇರುವ ಕುರಿತು ಕಲ್ಲಡ್ಕಕ್ಕೆ ಬಂದು ನೋಡಿದಾಗ ಅವರು ಕಾರಿನಲ್ಲೇ ಮಲಗಿದ್ದರು. ಬಳಿಕ ಡೋರ್‌ ತೆಗೆದು ನೋಡಿದಾಗ ಅವರು ಮೃತಪಟ್ಟಿರುವುದು ಬೆಳಕಿಗೆ ಬಂದಿದೆ. ಕಾರಿನ ಗಾಜುಗಳು ಪೂರ್ತಿ ಹಾಕಿಕೊಂಡಿದ್ದು, ಹೀಗಾಗಿ ಉಸಿರುಗಟ್ಟಿ ಮೃತಪಟ್ಟಿದ್ದಾರೋ ಅಥವಾ ಅನಾರೋಗ್ಯದಿಂದ ಮೃತಪಟ್ಟಿದ್ದಾರೋ ಎಂದು ತಿಳಿದುಬಂದಿಲ್ಲ. ಬಂಟ್ವಾಳ ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
Advertisement