ಕಾಳಿದಾಸನ ‘ಋತು ಸಂಹಾರ’ಇಂಗ್ಲೀಷ್‌ ನಲ್ಲಿ

ಹೊಸದಿಲ್ಲಿ: ಇತಿಹಾಸ ಪ್ರಸಿದ್ಧ, ಮಹಾಕವಿ ಕಾಳಿದಾಸ ರಚಿಸಿರುವ ಅವರ ಸಂಸ್ಕೃತ ಮಹಾಕಾವ್ಯ ‘ಋತು ಸಂಹಾರ’ದ ಇಂಗ್ಲೀಷ್‌ ಭಾಷಾಂತರ ಕೃತಿ ಹೊರಬಂದಿದೆ. ಇಂಗ್ಲೀಷ್‌ ನಲ್ಲಿ ಇದರ ಹೆಸರನ್ನು ‘ರಿತುಸಂಹಾರಂ: ಎ ಗ್ಯಾದೆರಿಂಗ್‌ ಆಫ್ ಸೀಸನ್ಸ್‌’ ಎಂದು ಹೆಸರಿಡಲಾಗಿದೆ. ಎ.ಎನ್‌.ಡಿ. ಹಕ್ಸರ್‌ ಎಂಬುವರು ಈ ಕೃತಿಯನ್ನು ಇಂಗ್ಲೀಷ್‌ಗೆ ಅನುವಾದಿಸಿದ್ದಾರೆ. ಈ ಮಹಾಕಾವ್ಯವು, ಪ್ರಕೃತಿಯ ಸೌಂದರ್ಯದ ಬಣ್ಣನೆಯ ಜತೆಗೆ ಮಾನವೀಯ ಭಾವನೆಗಳನ್ನು ಅಭಿವ್ಯಕ್ತಗೊಳಿಸುವ ಅಂಶಗಳನ್ನು ಒಳಗೊಂಡಿದೆ ಎಂದು ಹೇಳಲಾಗಿದ್ದು, ಇಂಗ್ಲೀಷ್‌ ಭಾಷಾಂತರ ಕೃತಿಯನ್ನು ಪೆಂಗ್ವಿನ್‌ ರ್‍ಯಾಂಡಮ್‌ ಹೌಸ್‌ ಬಿಡುಗಡೆಗೊಳಿಸಿದೆ.