ಕಾಲಾ ಟೀಸರ್‌: ಹನ್ನೆರಡು ಗಂಟೆಯಲ್ಲಿ 50 ಲಕ್ಷ ವೀಕ್ಷಣೆ

ಚೆನ್ನೈ: ಕೋಟ್ಯಂತರ ಅಭಿಮಾನಿಗಳ “ತಲೈವಾ’ ಈಗ ಮತ್ತೂಮ್ಮೆ ಇಂಟರ್ನೆಟ್‌ನಲ್ಲಿ ಹವಾ ಎಬ್ಬಿಸಿದ್ದಾರೆ. ಈ ಅಧಿನಾಯಕನ ಹೊಸ ಚಿತ್ರದ ಟೀಸರ್‌ ಅನ್ನು, ಅಂತರ್ಜಾಲದಲ್ಲಿ ಬಿಡುಗಡೆ ಯಾದ ಕೇವಲ 12 ಗಂಟೆಯೊಳಗೆ 50 ಲಕ್ಷ ಮಂದಿ ವೀಕ್ಷಿಸಿದ್ದು, ಇದೇ ನಾಯಕನ ಹಿಂದಿನ ಚಿತ್ರದ ಟೀಸರ್‌ನ ದಾಖಲೆ ಮುರಿಯುವ ಸನ್ನಾಹದಲ್ಲಿದೆ. ಇಷ್ಟು ಹೇಳಿದ್ದೀವೆಂದರೆ, ಅದು ತಮಿಳು ಸೂಪರ್‌ ಸ್ಟಾರ್‌ ರಜನೀಕಾಂತ್‌ ಬಗ್ಗೆ ಹೇಳುತ್ತಿದ್ದೇವೆಂದು ಪ್ರತ್ಯೇಕವಾಗಿ ಹೇಳಬೇಕಿಲ್ಲ ತಾನೇ? ಹೌದು, ಅವರ ಮುಂದಿನ ಚಿತ್ರ “ಕಾಲಾ’ದ ಟೀಸರ್‌ ಈಗ ಸಿಕ್ಕಾಪಟ್ಟೆ ಗುಲ್ಲೆಬ್ಬಿಸಿದೆ. ಸೂಪರ್‌ ಸ್ಟಾರ್‌ ಅವರ ಹಿಂದಿನ ಚಿತ್ರ “ಕಬಾಲಿ’ಯ ಟೀಸರ್‌ ಬಿಡುಗಡೆಯಾದ 12 ದಿನಗಳಲ್ಲಿ 1.70 ಕೋಟಿ ಪ್ರೇಕ್ಷರಿಂದ ವೀಕ್ಷಣೆಗೊಂಡು, ದಾಖಲೆ ನಿರ್ಮಿಸಿತ್ತು. ಆ ದಾಖಲೆ ಮುರಿಯುವತ್ತ “ಕಾಲಾ’ ದಾಪುಗಾಲಿಟ್ಟಿದೆ.