ಗುರುವಿನತ್ತ ಜೂಸ್‌ ಪಯಣ ಆರಂಭ- ಗುರುವನ್ನು ತಲುಪಲು ಬೇಕು 8 ವರ್ಷ!

ಫ್ರೆಂಚ್‌ ಗಯಾನ: ಗುರು ಗ್ರಹ ಮತ್ತು ಅದರ ಮೂರು ಚಂದ್ರರ ಅಧ್ಯಯನದ ಮಹದುದ್ದೇಶವನ್ನು ಹೊತ್ತು ಏರಿಯನ್‌-5 ರಾಕೆಟ್‌ ಶುಕ್ರವಾರ ನಭಕ್ಕೆ ಚಿಮ್ಮಿದೆ. ಫ್ರೆಂಚ್‌ ಗಯಾನದಿಂದ ನಮ್ಮ ಸೌರವ್ಯವಸ್ಥೆಯ ಅತೀದೊಡ್ಡ ಗ್ರಹದತ್ತ ಈ ರಾಕೆಟ್‌ ಪಯಣ ಆರಂಭಿಸಿದೆ. ಈ ಮೂಲಕ ಐರೋಪ್ಯ ಬಾಹ್ಯಾಕಾಶ ಸಂಸ್ಥೆ(ಇಎಸ್‌ಎ)ಯ ಮಹತ್ವಾಕಾಂಕ್ಷಿ “ಜೂಸ್‌ ಮಿಷನ್‌”ಗೆ(ದಿ ಜ್ಯುಪಿಟರ್‌ ಐಸಿ ಮೂನ್ಸ್‌ ಎಕ್ಸ್‌ ಪ್ಲೋರರ್‌) ಚಾಲನೆ ಸಿಕ್ಕಂತಾಗಿದೆ.

ಶುಕ್ರವಾರ ಗುರು ಗ್ರಹದತ್ತ ಹೊರಟ ರಾಕೆಟ್‌ ಅಲ್ಲಿಗೆ ತಲುಪಲು ಬರೋಬ್ಬರಿ 8 ವರ್ಷಗಳು ಬೇಕು. ಅಂದರೆ 2031ಕ್ಕೆ ರಾಕೆಟ್‌ ಗುರುಗ್ರಹಕ್ಕೆ ಪಾದಾರ್ಪಣೆ ಮಾಡಲಿದ್ದು, ಇದೊಂದು ಸವಾಲಿನ ಯೋಜನೆಯಾಗಿದೆ ಎಂದು ಇಎಸ್‌ಎ ಹೇಳಿದೆ.