ಗಾಯಾಳು ಆರ್ಚರ್‌ ಔಟ್‌ ಮುಂಬೈ ತಂಡಕ್ಕೆ ಕ್ರಿಸ್‌ ಜೋರ್ಡನ್‌

ಮುಂಬಯಿ: ಫಿಟ್‌ನೆಸ್‌ ಸಮಸ್ಯೆಯಿಂದ ಬಳಲುತ್ತಿರುವ ಮುಂಬೈ ಇಂಡಿಯನ್ಸ್‌ ತಂಡದ ವೇಗಿ ಆರ್ಚರ್‌ ಐಪಿಎಲ್‌ನಿಂದ ಬೇರ್ಪ ಟ್ಟಿದ್ದಾರೆ. ಇವರ ಸ್ಥಾನಕ್ಕೆ ಇಂಗ್ಲೆಂಡ್‌ನ‌ ಮತ್ತೋರ್ವ ವೇಗಿ ಕ್ರಿಸ್‌ ಜೋರ್ಡನ್‌ ಅವರನ್ನು ಸೇರಿಸಿಕೊಳ್ಳಲಾಗಿದೆ.

ಕಳೆದ ಹರಾಜಿನಲ್ಲಿ ಆರ್ಚರ್‌ ಅವರನ್ನು ಮುಂಬೈ 8 ಕೋಟಿ ರೂ.ಗಳ ದೊಡ್ಡ ಮೊತ್ತಕ್ಕೆ ಖರೀದಿಸಿತ್ತು. ಆದರೆ ಇದಕ್ಕೆ ತಕ್ಕ ಪ್ರದರ್ಶನ ನೀಡು ವಲ್ಲಿ ವಿಫ‌ಲರಾಗಿ ದ್ದರು. ಈ ವರ್ಷದ 5 ಪಂದ್ಯಗಳಲ್ಲಿ ಕೆಡವಿದ್ದು 2 ವಿಕೆಟ್‌ ಮಾತ್ರ.
ಬೆನ್ನುನೋವಿನಿಂದಾಗಿ ಆರ್ಚರ್‌ ಎರಡು ವರ್ಷಗಳಷ್ಟು ಕಾಲ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಿಂದ ಬೇರ್ಪ ಟ್ಟಿದ್ದರು. ಇದರಿಂದ ಕಳೆದ ಐಪಿಎಲ್‌ನಲ್ಲೂ ಆಡಿರಲಿಲ್ಲ.

ಆರ್ಚರ್‌ ಶೀಘ್ರವೇ ಇಂಗ್ಲೆಂಡ್‌ಗೆ ವಾಪಸಾಗಿ ಸ್ವಲ್ಪ ಕಾಲ ವಿಶ್ರಾಂತಿ ಪಡೆದು, ಇಸಿಬಿ ಉಸ್ತುವಾರಿ ಯಲ್ಲಿ ಪುನಶ್ಚೇತನ ಪ್ರಕ್ರಿಯೆಯಲ್ಲಿ ತೊಡಗಲಿದ್ದಾರೆ.

2016ರಲ್ಲಿ ಪದಾರ್ಪಣೆ
ಮುಂಬೈ ತಂಡವನ್ನು ಸೇರಿಕೊಂಡ ಕ್ರಿಸ್‌ ಜೋರ್ಡನ್‌ 2016ರಲ್ಲಿ ಐಪಿಎಲ್‌ ಪದಾರ್ಪಣೆ ಮಾಡಿದ್ದರು. 28 ಪಂದ್ಯಗಳಿಂದ 27 ವಿಕೆಟ್‌ ಕೆಡವಿದ ಸಾಧನೆ ಇವರದು. ಈ ಅವಧಿಯಲ್ಲಿ ರಾಯಲ್‌ ಚಾಲೆಂಜರ್ ಬೆಂಗಳೂರು, ಸನ್‌ರೈಸರ್ ಹೈದರಾಬಾದ್‌, ಪಂಜಾಬ್‌ ಕಿಂಗ್ಸ್‌ ಮತ್ತು ಚೆನ್ನೈ ಸೂಪರ್‌ ಕಿಂಗ್ಸ್‌ ಪರ ಆಡಿದ್ದಾರೆ. ಮುಂಬೈ ಇಂಡಿಯನ್ಸ್‌ ತಂಡವನ್ನು ಪ್ರತಿನಿಧಿಸುತ್ತಿರುವುದು ಇದೇ ಮೊದಲು. ಕಳೆದ ಡಿಸೆಂಬರ್‌ನಲ್ಲಿ ನಡೆದ ಹರಾಜಿನಲ್ಲಿ ಜೋರ್ಡನ್‌ ಮಾರಾಟವಾಗದೇ ಉಳಿದಿದ್ದರು. ಈಗ 2 ಕೋಟಿ ರೂ. ಮೊತ್ತಕ್ಕೆ ಮುಂಬೈ ಖರೀದಿಸಿದೆ.
ಎಪ್ರಿಲ್‌ ಅಂತ್ಯದಲ್ಲೇ ಮುಂಬೈ ಪಾಳೆಯವನ್ನು ಸೇರಿದ್ದ ಜೋರ್ಡನ್‌, ಸೋಮವಾರ ಒಂದು ಗಂಟೆಗೂ ಅಧಿಕ ಕಾಲ ನೆಟ್‌ ಪ್ರ್ಯಾಕ್ಟೀಸ್‌ ನಡೆಸಿದ್ದರು.

ಕ್ರೀಡೆ