ಯೋಧರಿಗೆ ಜೆಟ್‌ಪ್ಯಾಕ್‌ ಸೂಟ್‌ ಖರೀದಿಸಲು ಮುಂದಾದ ಭಾರತೀಯ ಸೇನೆ

ಚೀನ ಗಡಿ ಸೇರಿದಂತೆ ಸೂಕ್ಷ್ಮ ಪ್ರದೇಶಗಳಲ್ಲಿ ಯುದ್ಧತಂತ್ರದ ಚಲನ ಶೀಲತೆ ಹೆಚ್ಚಿಸುವ ನಿಟ್ಟಿನಲ್ಲಿ ಭಾರತೀಯ ಸೇನೆಯು ಬ್ರಿಟಿಷ್‌ ಕಂಪನಿ “ಗ್ರಾವಿಟಿ ಇಂಡಸ್ಟ್ರೀಸ್‌’ ಅಭಿವೃದ್ಧಿಪಡಿಸಿದ ಜೆಟ್‌ಪ್ಯಾಕ್‌ ಸೂಟ್‌ಗಳನ್ನು ಖರೀದಿಸುತ್ತಿದೆ.

ಈ ಸೂಟ್‌ ಧರಿಸಿ, ನದಿಯ ನೀರಿನ ಮೇಲೆ, ಭತ್ತ-ಗದ್ದೆಗಳ ಮೇಲೆ, ರಸ್ತೆಗಳ ಮೇಲೆ ಹಾರಬಹುದು. ಆರಂಭದಲ್ಲಿ 48 ಜೆಟ್‌ಪ್ಯಾಕ್‌ ಸೂಟ್‌ಗಳನ್ನು ಖರೀದಿಸಲು ಭಾರತೀಯ ಸೇನೆ ಮುಂದಾಗಿದೆ.

ಆಗ್ರಾದಲ್ಲಿ ಸ್ವತಃ ಗ್ರಾವಿಟಿ ಇಂಡಸ್ಟ್ರೀಸ್‌ ಸಂಸ್ಥಾಪಕ ರಿಚರ್ಡ್‌ ಬ್ರೌನಿಂಗ್‌, ಜೆಟ್‌ಪ್ಯಾಕ್‌ ಸೂಟ್‌ ಧರಿಸಿ ಡೆಮೊ ನೀಡಿದ್ದಾರೆ.