ಭಾರತಕ್ಕೆ ಮತ್ತೊಂದು ಸ್ವರ್ಣ: ಗಾಯಗೊಂಡರೂ ಛಲ ಬಿಡದೆ ಹೋರಾಡಿದ ಜೆರೆಮಿ ಲಾಲ್ರಿನ್ನುಂಗಾ

ಬರ್ಮಿಂಗಂ: ಇಲ್ಲಿ ನಡೆಯುತ್ತಿರುವ ಕಾಮನ್ವೆಲ್ತ್ ಗೇಮ್ಸ್ ನ ವೇಟ್ ಲಿಫ್ಟಿಂಗ್ ಸ್ಪರ್ಧೆಯ 67 ಕೆಜಿ ವಿಭಾಗದಲ್ಲಿ ಭಾರತದ ಜೆರೆಮಿ ಲಾಲ್ರಿನ್ನುಂಗಾ ಚಿನ್ನದ ಪದಕ ಗೆದ್ದುಕೊಂಡಿದ್ದರೆ. ಇದರೊಂದಿಗೆ ಕೂಟದಲ್ಲಿ ಭಾರತ ಎರಡನೇ ಬಂಗಾರದ ಪದಕ ಗೆದ್ದಂತಾಗಿದೆ.

67 ಕೆಜಿ ವಿಭಾಗದಲ್ಲಿ ಸ್ಪರ್ಧೆ ಮಾಡಿದ ಜೆರೆಮಿ ಲಾಲ್ರಿನ್ನುಂಗಾ ಒಟ್ಟು 300 ಕೆಜಿ ಭಾರ ಎತ್ತಿದರು. ಸ್ನಾಚ್ ನಲ್ಲಿ 140 ಕೆಜಿ ಮತ್ತು ಕ್ಲೀನ್ ಆ್ಯಂಡ್ ಜರ್ಕ್ ನಲ್ಲಿ 160 ಕೆಜಿ ಭಾರ ಎತ್ತಿದರು.

ಸ್ಪರ್ಧೆಯ ನಡುವೆ ಗಾಯಗೊಂಡರೂ ಹೋರಾಟ ಮುಂದುವರಿಸಿದ ಗಟ್ಟಿಗ ಜೆರೆಮಿ ಲಾಲ್ರಿನ್ನುಂಗಾ ಅರ್ಹವಾಗಿ ಸ್ಪರ್ಣ ಪದಕಕ್ಕೆ ಮುತ್ತಿಕ್ಕಿದರು. ಅಲ್ಲದೆ ಸ್ನಾಚ್ ನಲ್ಲಿ ಹೊಸ ಗೇಮ್ ರೆಕಾರ್ಡ್ ಬರೆದರು.

ಇದನ್ನೂ ಓದಿ:ನಾಯಕಿಗಿಂತ ಉತ್ತಮ ನಟಿಯಾಗುವ ಹಂಬಲ: ಚಾರ್ಲಿಯ ಗೆಲುವು ಸಂಗೀತಾ ನಗು

ಜೆರೆಮಿ ಲಾಲ್ರಿನ್ನುಂಗಾ ಪದಕದೊಂದಿಗೆ ಕೂಟದಲ್ಲಿ ಭಾರತ ಐದನೇ ಪದಕ ಪಡೆಯಿತು. ಶನಿವಾರ ಮೀರಾಬಾಯಿ ಚಾನು ಮೊದಲ ಬಂಗಾರ ಗೆದ್ದಿದ್ದರು. ಇದುವರೆಗೆ ಭಾರತ ಎರಡು ಭಾರತ, ಎರಡು ಬೆಳ್ಳಿ ಮತ್ತು ಒಂದು ಕಂಚಿನ ಪದಕ ಗೆದ್ದಿದೆ. ಎಲ್ಲವೂ ವೇಟ್ ಲಿಫ್ಟಿಂಗ್ ವಿಭಾಗದಲ್ಲೇ ಬಂದಿರುವುದು ವಿಶೇಷ.