ತೋಳದಂತೆ ಕಾಣಿಸಲು 18.5 ಲಕ್ಷ ರೂ. ವೆಚ್ಚ ಮಾಡಿದ ವ್ಯಕ್ತಿ

ಮನುಷ್ಯನಿಗೆ ಎಂತೆಂತಹ ಚಿತ್ರವಿಚಿತ್ರ ಆಸಕ್ತಿಗಳಿರುತ್ತವೆ ನೋಡಿ. ಪ್ರತಿಯೊಬ್ಬರೂ ತಾವು ಸುಂದರವಾಗಿ ಕಾಣಲಿ ಎಂದು ಅಲಂಕರಿಸಿಕೊಂಡರೆ, ಜಪಾನ್‌ನ ವ್ಯಕ್ತಿಯೊಬ್ಬ ಪಕ್ಕಾ ತೋಳವನ್ನು ಹೋಲುವಂತಹ ವಸ್ತ್ರವೊಂದನ್ನು ಪಡೆದುಕೊಳ್ಳಲು 18.5 ಲಕ್ಷ ರೂ. ವ್ಯಯಿಸಿದ್ದಾರೆ. ಅವರಿಗೆ ಚಿಕ್ಕಂದಿನಿಂದ ಪ್ರಾಣಿಗಳೆಂದರೆ ಬಹಳ ಇಷ್ಟ.

ಈ ಕಾರಣದಿಂದ ತೋಳವನ್ನೇ ಹೋಲುವಂತಹ ದಿರಿಸು ಬೇಕು ಎಂದು ಝೆಪ್ಪೆಟ್‌ ಕಂಪನಿಗೆ ಹಣ ನೀಡಿದ್ದಾರೆ. ಆ ಕಂಪನಿ 50 ದಿನ ಪರಿಶ್ರಮಿಸಿ, ಅದನ್ನು ಸಾಧ್ಯ ಮಾಡಿದೆ.

ಈ ವಸ್ತ್ರ ಹೇಗಿದೆಯೆಂದರೆ; ಅದನ್ನು ಧರಿಸಿ ವ್ಯಕ್ತಿಯೊಬ್ಬ ನಿಂತುಕೊಂಡರೆ, ತೋಳ ಹಿಂಗಾಲ ಮೇಲೆ ನಿಂತುಕೊಂಡಂತೆ ಭಾಸವಾಗುತ್ತದೆ. ಇನ್ನು ಝೆಪ್ಪೆಟ್‌ ಕಂಪನಿಗೆ ಹೀಗೆ ಚಿತ್ರವಿಚಿತ್ರ ದಿರಿಸನ್ನು ತಯಾರಿಸುವುದೇ ಕೆಲಸ!