ಚಂದಿರನಲ್ಲಿಗೆ ತೆರಳಲು ಗೆಳತಿ ಬೇಕಾಗಿದ್ದಾಳೆ!

ಟೋಕಿಯೋ: ‘ಚಂದಿರನಲ್ಲಿಗೆ ತೆರಳಲು ನನಗೊಬ್ಬಳು ಗೆಳತಿ ಬೇಕು’ ಎಂದು ಜಪಾನ್‌ನ ಕೋಟ್ಯಧಿಪತಿ ಉದ್ಯಮಿ ಯುಸಾಕು ಮಝೇವಾ (44) ಜಾಹೀರಾತು ನೀಡಿದ್ದಾರೆ. ಎಲಾನ್‌ ಮಸ್ಕ್ ಅವರ ಸ್ಪೇಸ್‌ ಎಕ್ಸ್‌ ಮೂಲಕ 2023ರಲ್ಲಿ ಚಂದ್ರಯಾನ ಕೈಗೊಳ್ಳಲು ಯುಸಾಕು ನಿರ್ಧರಿಸಿದ್ದಾರೆ. ಅಲ್ಲಿಗೆ ಏಕಾಂಗಿಯಾಗಿ ತೆರಳುವ ಬದಲು, ದಂಪತಿ ಸಮೇತ ಹೋಗಬೇಕು ಎನ್ನುವುದು ಅವರ ಆಸೆಯಂತೆ.

‘ನನಗೆ ಏಕಾಂಗಿತನ ಕಾಡುತ್ತಿದೆ. ಒಬ್ಬ ಮಹಿಳೆಯನ್ನು ಪ್ರೀತಿಸುತ್ತಿರಬೇಕು ಎಂದೆನಿಸಿದೆ. ಅದಕ್ಕಾಗಿ ನನಗೆ 20ರ ಆಸುಪಾಸಿನ ಬಾಳಸಂಗಾತಿ ಬೇಕಿದೆ’ ಎಂದು ಅವರು ಹೇಳಿಕೊಂಡಿದ್ದಾರೆ. ಅರ್ಜಿ ಸಲ್ಲಿಸಲು ಜ.17 ಕೊನೇ ದಿನವಾಗಿದ್ದು, ಮಾರ್ಚ್‌ ಅಂತ್ಯದಲ್ಲಿ ಒಬ್ಬರನ್ನು ಆಯ್ಕೆ ಮಾಡಲಿದ್ದಾರಂತೆ!