Advertisement

ಶಿವಮೊಗ್ಗ : ಭಾರೀ ಮಳೆಗೆ ಜನ್ನಾಪುರ ಕೆರೆ ಏರಿ ಒಡೆಯುವ ಭೀತಿಯಲ್ಲಿ…

11:00 AM Aug 30, 2022 | sudhir |

ಶಿವಮೊಗ್ಗ: ಭದ್ರಾವತಿಯಲ್ಲಿ ರಾತ್ರಿ ಸುರಿದ ಮಳೆಯೂ ಅನೇಕ ಅವಾಂತರಗಳನ್ನು ಸೃಷ್ಟಿಸಿದ್ದು ಜನ್ನಾಪುರ ಕೆರೆ ಏರಿ ಒಡೆಯುವ ಆತಂಕ ಎದುರಾಗಿದೆ.

Advertisement

ಭದ್ರಾವತಿ ನಗರ ಹಾಗೂ ಹೊಸಸಿದ್ದಾಪುರ, ಶಿವಮೊಗ್ಗಕ್ಕೆ ಸಂಪರ್ಕಿಸುವ ರಸ್ತೆ ಮೇಲೆ ಭಾರೀ ಪ್ರಮಾಣದ ನೀರು ಹರಿಯುತ್ತಿದ್ದು ಸಂಚಾರ ಅಸ್ತವ್ಯಸ್ತವಾಗಿದೆ. ಕೆರೆ ಉಕ್ಕಿ ಹರಿಯುತ್ತಿರುವ ಪರಿಣಾಮ ಮೀನುಗಳು ರಸ್ತೆ ಮೇಲೆ ಬರುತ್ತಿದ್ದು ಮೀನು ಹಿಡಿಯುವಲ್ಲಿ ಜನರು ನಿರತರಾಗಿದ್ದರು. ಇತ್ತ ಮೀನು ಸಾಕಣೆ ಟೆಂಡರ್‌ ಪಡೆದಿದ್ದ ಗುತ್ತಿಗೆದಾರ ಮೀನು ಉಳಿಸಿಕೊಳ್ಳಲು ಹರಸಾಹಸ ಪಡುತ್ತಿದ್ದರು. ಕೆರೆ ಏರಿ ಮೇಲೆ ಮೂರ್ನಾಲ್ಕು ಕಡೆ ನೀರು ಹರಿಯುತ್ತಿದ್ದು ಈಗಷ್ಟೇ ನಾಟಿ ಮಾಡಿದ್ದ ಭತ್ತದ ಗದ್ದೆಗಳಿಗೆ ಕೆಸರು ತುಂಬಿಕೊಳ್ಳುತ್ತಿದೆ.

ಜನ್ನಾಪುರ ಕೆರೆ ಅಭಿವೃದ್ಧಿ ಪಡಿಸಿ ಬೋಟಿಂಗ್‌ ವ್ಯವಸ್ಥೆ ಮಾಡಲು 5 ವರ್ಷದ ಹಿಂದೆ 5 ಕೋಟಿ ಬಿಡುಗಡೆಯಾಗಿದ್ದರೂ ಒತ್ತುವರಿದಾರರ ಸಮಸ್ಯೆಯಿಂದ ಕಾಮಗಾರಿ ಆರಂಭಗೊಂಡಿಲ್ಲ. 50 ವರ್ಷಗಳಿಂದ ಕೆರೆ ಬತ್ತಿಲ್ಲ. ಹೂಳೆತ್ತಲು ಅವಕಾಶ ಸಿಕ್ಕಿಲ್ಲ. ಇದರಿಂದ ದೊಡ್ಡ ಮಳೆ ಬಂದಾಗಲೆಲ್ಲ ಕೆರೆ ಮೇಲೆ ನೀರು ಹರಿಯುತ್ತದೆ. ಒತ್ತುವರಿ ತೆರವು ಮಾಡಿ ಕೆರೆ ಅಭವೃದ್ಧಿಪಡಿಸಬೇಕೆಂದು ಹೊಸಸಿದ್ದಾಪುರ ಗ್ರಾಮಸ್ಥರು ಆಗ್ರಹಿಸಿದ್ದಾರೆ.

ಇದನ್ನೂ ಓದಿ : ಗ್ರಾಮೀಣ ಆರ್ಥಿಕ ತಜ್ಞ, ಯೋಜನಾ ಆಯೋಗದ ಮಾಜಿ ಸದಸ್ಯ ಅಭಿಜಿತ್ ಸೇನ್ ನಿಧನ

Advertisement

Udayavani is now on Telegram. Click here to join our channel and stay updated with the latest news.

Next