Advertisement
ತಮ್ಮ ಜನ್ಮದಿನವನ್ನು ರಾಯರ ಸನ್ನಿಧಿಯಲ್ಲಿ ಕಳೆದ ಜಗ್ಗೇಶ್‌, ಇದೇ ವೇಳೆ “ಉದಯವಾಣಿ’ ಜೊತೆಗೆ ಮಾತಿಗೆ ಸಿಕ್ಕರು, ಈ ವೇಳೆ ತಮ್ಮ ಜನ್ಮದಿನ, ಮುಂಬ ರುವ ಸಿನಿಮಾಗಳು, ಇತ್ತೀಚಿನ ಬೆಳವಣಿಗೆ ಗಳ ಬಗ್ಗೆ ಒಂದಷ್ಟು ವಿಷಯಗಳನ್ನು ಹಂಚಿಕೊಂಡಿದ್ದಾರೆ. ಅದು ಅವರದ್ದೇ ಮಾತುಗಳಲ್ಲಿ…
Related Articles
Advertisement
ಸಿನಿಮಾ ಮತ್ತು ರಾಜಕೀಯ ಎರಡೂ ಕಡೆ ಇರ್ತಿನಿ ನಾನು ಒಬ್ಬ ಕಲಾವಿದನಾಗಿ ಸಿನಿಮಾರಂಗಕ್ಕೆ ಬಂದವನು. ಆನಂತರ ಬೇಕೋ, ಬೇಡವೋ ಅನಿವಾರ್ಯವಾಗಿ ರಾಜಕೀಯಕ್ಕೆ ಬರುವಂತಾಯ್ತು. ಈಗ ಎರಡರಲ್ಲೂ ಸಾಕಷ್ಟು ದೂರ ಸಾಗಿ ಬಂದಿದ್ದೇನೆ. ಹೀಗಾಗಿ ಮುಂದೆಯೂ, ಸಿನಿಮಾ ಮತ್ತು ರಾಜಕೀಯ ಎರಡರಲ್ಲೂ ಖಂಡಿತವಾಗಿಯೂ ಸಕ್ರಿಯವಾಗಿರುತ್ತೇನೆ. ಸದ್ಯಕ್ಕೆ “ತೋತಾಪುರಿ’, “ರಂಗನಾಯಕ’, “ಶ್ರೀಗುರು ರಾಘವೇಂದ್ರ ಸ್ಟೋರ್’ ಹೀಗೆ ಒಂದಷ್ಟು ಬ್ಯಾಕ್‌ ಟು ಬ್ಯಾಕ್‌ ಸಿನಿಮಾಗಳಿವೆ. ಇದಾಗುತ್ತಿದ್ದಂತೆ, ಚುನಾವಣೆ ಕೂಡ ಬರುತ್ತಿದೆ. ಅಲ್ಲೂ ಕೂಡ ಸಕ್ರಿಯವಾಗಿರುತ್ತೇನೆ.
“ತೋತಾಪುರಿ’ ಮೇಲೆ ನಿರೀಕ್ಷೆಯ ಮಾತು
ಸದ್ಯಕ್ಕೆ “ತೋತಾಪುರಿ’ ಸಿನಿಮಾ ರಿಲೀಸ್‌ಗೆ ರೆಡಿಯಾಗಿದೆ. “ತೋತಾಪುರಿ’ ಅದ್ಭುತ ಸಬ್ಜೆಕ್ಟ್. ಈಗಾಗಲೇ “ತೋತಾಪುರಿ’ ಟೈಟಲ್‌, ಟೀಸರ್‌, ಹಾಡು ಎಲ್ಲವೂ ದೊಡ್ಡ ಮಟ್ಟದಲ್ಲಿ ಹಿಟ್‌ ಆಗಿದೆ. ಎಲ್ಲರಿಗೂ ಕನೆಕ್ಟ್ ಆಗುವಂಥ ಸಬ್ಜೆಕ್ಟ್ ಇದಾಗಿದ್ದರಿಂದ, “ತೋತಾಪುರಿ’ ಎಲ್ಲ ಥರದ ಆಡಿಯನ್ಸ್‌ಗೂ ಇಷ್ಟವಾಗುವ ಸಿನಿಮಾವಾಗಲಿದೆ. ಇಲ್ಲಿಯವರೆಗೆ ನೀವು ನೋಡಿರುವ ಪಾತ್ರಗಳಿಗಿಂತ, ಬೇರೆ ಥರದ ಪಾತ್ರವೇ ಈ ಸಿನಿಮಾದಲ್ಲಿದೆ. ಈಗಾಗಲೇ ಈ ಸಿನಿಮಾದ ಪ್ರಮೋಶನ್ಸ್‌ ನಡೆಯುತ್ತಿದ್ದು, ಆದಷ್ಟು ಬೇಗ “ತೋತಾಪುರಿ’ ಪ್ರೇಕ್ಷಕರ ಮುಂದೆ ಬರಲಿದೆ.
ಜಿ.ಎಸ್‌.ಕಾರ್ತಿಕ ಸುಧನ್‌