ಅಮೆರಿಕ ಮಾಜಿ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಅವರ ಮೊದಲ ಪತ್ನಿ ನಿಧನ

ವಾಷಿಂಗ್ಟನ್‌: ಅಮೆರಿಕ ಮಾಜಿ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಅವರ ಮೊದಲನೇ ಪತ್ನಿ ಇವಾನಾ ಟ್ರಂಪ್‌(73) ನಿಧನರಾಗಿದ್ದಾರೆ. ಅವರು ಗುರುವಾರದಂದು ನ್ಯೂಯಾರ್ಕ್‌ ಮನೆಯಲ್ಲಿ ಕೊನೆಯುಸಿರೆಳೆದಿದ್ದಾಗಿ ತಿಳಿಸಲಾಗಿದೆ.

ಈ ಬಗ್ಗೆ ಪ್ರತಿಕ್ರಿಯೆ ಕೊಟ್ಟಿರುವ ಟ್ರಂಪ್‌, “ಇವಾನಾ ಅದ್ಭುತ ಮಹಿಳೆಯಾಗಿದ್ದರು. ಅವರು ಅನೇಕರಿಗೆ ಸ್ಫೂರ್ತಿಯಾಗಿದ್ದರು’ ಎಂದಿದ್ದಾರೆ.

ಇವಾನಾ ಮೂಲತಃ ಜೆಕ್‌ ರಿಪಬ್ಲಿಕ್‌ನವರಾಗಿದ್ದು, 1977ರಲ್ಲಿ ಟ್ರಂಪ್‌ ಅವರನ್ನು ವರಿಸಿದ್ದರು. 15 ವರ್ಷಗಳ ದಾಂಪತ್ಯದ ನಂತರ 1992ರಲ್ಲಿ ವಿಚ್ಛೇದನ ಪಡೆದಿದ್ದರು.

ಟ್ರಂಪ್‌-ಇವಾನಾ ದಂಪತಿಗೆ ಡೊನಾಲ್ಡ್‌ ಜೂನಿಯರ್‌, ಇವಾಂಕಾ ಮತ್ತು ಎರಿಕ್‌ ಟ್ರಂಪ್‌ ಹೆಸರಿನ ಮೂರು ಮಕ್ಕಳಿದ್ದಾರೆ.