ನಾನು ಎಂಗೇಜ್ ಆಗಿದ್ದೇನೆ ಎಂದ ನಯನತಾರಾ : ಸದ್ಯದಲ್ಲೇ ಮದುವೆಯಂತೆ

ಬಹುಭಾಷಾ ನಟಿ, ಲೇಡಿ ಸೂಪರ್​ಸ್ಟಾರ್​ ನಯನತಾರಾ ಕೊನೆಗೂ ತಾವು ಎಂಗೇಜ್ ಮೆಂಟ್ ಮಾಡಿಕೊಂಡಿರುವುದಾಗಿ ತಿಳಿಸಿದ್ದಾರೆ.

ಇತ್ತೀಚೆಗೆ ನಡೆದ ಸಂದರ್ಶನದಲ್ಲಿ ಭಾಗಿಯಾಗಿ ಮಾಹಿತಿ ಹಂಚಿಕೊಂಡಿರುವ ನಯನತಾರಾ, ತಮ್ಮ ಬಹುಕಾಲದ ಗೆಳೆಯ ವಿಘ್ನೇಶ್​ ಶಿವನ್​ ಜೊತೆ ಎಂಗೇಜ್​ಮೆಂಟ್​ ಮಾಡಿಕೊಂಡಿರುವುದಾಗಿ ತಿಳಿಸಿದ್ದಾರೆ. ಅಲ್ಲದೇ ತಮ್ಮ ಎಂಗೇಜ್ ​ಮೆಂಟ್​ ರಿಂಗ್​ ಅನ್ನು ಬಹಿರಂಗವಾಗಿ ತೋರಿಸಿದ್ದಾರೆ. ಅಲ್ಲದೆ ಆದಷ್ಟು ಬೇಗ ಮದುವೆಯಾಗುವುದಾಗಿಯೂ ಲೇಡಿ ಸೂಪರ್​ ಸ್ಟಾರ್​ ಹೇಳಿದ್ದಾರೆ.

ಇಂಟರ್​ ವ್ಯೂನಲ್ಲಿ ಹೋಸ್ಟ್ ನಯನತಾರಾ ಅವರ ಕೈನಲ್ಲಿದ್ದ ರಿಂಗ್ ಬಗ್ಗೆ ಪ್ರಶ್ನೆ ಕೇಳಿದಾಗ ನಯನತಾರಾ ಇದು ತಮ್ಮ ಎಂಗೇಜ್​ ಮೆಂಟ್ ರಿಂಗ್ ಎಂದು ಮಾಹಿತಿ ನೀಡಿದ್ದಾರೆ. ಇನ್ನು ನಾನು ರೌಡಿದಾನ್ ಸಿನಿಮಾ ಸೆಟ್​​ನಲ್ಲಿ ನಯನತಾರಾ ಮತ್ತು ವಿಘ್ನೇಶ್ ಮೊದಲಿಗೆ ಭೇಟಿಯಾಗಿದ್ದರಂತೆ.

ಈ ಹಿಂದೆ ಹಲವು ಬಾರಿ ನಯನತಾರಾ ವಿಘ್ನೇಶ್ ಜೊತೆ ಫೋಟೋ ಹಂಚಿಕೊಂಡಿದ್ದರು. ಹೀಗಾಗಿ ನಯನತಾರಾ ಗೊತ್ತಿಲ್ಲದೆ ಮದುವೆಯಾಗಿದ್ದಾರಾ ಎಂಬ ಕುತೂಹಲ ಹುಟ್ಟಿಕೊಂಡಿತ್ತು.