Advertisement
ಇದೇ ಮೊದಲ ಬಾರಿ ಸೀನಿಯರ್‌ ವಿಭಾಗದಲ್ಲಿ ಸ್ಪರ್ಧಿಸಿದ 20 ವರ್ಷದ ಇಳವೆನಿಲ್‌ ಫೈನಲ್‌ನಲ್ಲಿ 251.7 ಅಂಕ ಗಳಿಸಿ ಅಗ್ರಸ್ಥಾನಿಯಾದರು. ಬ್ರಿಟನ್‌ನ ಸಿಯೋನೇಟ್‌ ಮೆಕಿಂತೋಷ್‌ 250.6 ಅಂಕಗಳೊಂದಿಗೆ ಬೆಳ್ಳಿ ಪದಕ ತಮ್ಮದಾಗಿಸಿಕೊಂಡರು. ಚೈನೀಸ್‌ ತೈಪೆಯ ಯಿಂಗ್‌ ಶಿನ್‌ ಲೀ ಕಂಚು ಗೆದ್ದರು.
ಅರ್ಹತಾ ಸುತ್ತಿನಲ್ಲಿ ಇಳವೆನಿಲ್‌ ಹಿರಿಯ ಶೂಟರ್‌ ಅಂಜುಮ್‌ ಮೌದ್ಗಿಲ್‌ ಅವರನ್ನೇ ಹಿಂದಿಕ್ಕಿದರು. ಇಬ್ಬರೂ ಕ್ರಮವಾಗಿ 4ನೇ ಹಾಗೂ 5ನೇ ಸ್ಥಾನದೊಂದಿಗೆ 8 ಸ್ಪರ್ಧಿಗಳ ಫೈನಲ್‌ ತಲುಪಿದರು. ಇಲ್ಲಿ ಅಂಜುಮ್‌ 6ನೇ ಸ್ಥಾನ ಪಡೆದರು. ಆದರೆ ವಿಶ್ವದ ನಂಬರ್‌ ವನ್‌ ಹಾಗೂ ಫೈನಲ್ಸ್‌ ವಿಶ್ವದಾಖಲೆ ಹೊಂದಿರುವ ಅಪೂರ್ವಿ ಚಂದೇಲ 11ನೇ ಸ್ಥಾನಕ್ಕೆ ಕುಸಿದು (627.7 ಅಂಕ) ಫೈನಲ್‌ ಪ್ರವೇಶಿಸುವಲ್ಲಿ ವಿಫ‌ಲರಾದರು.