Advertisement

ಐಎಸ್‌ಎಸ್‌ಎಫ್ ಶೂಟಿಂಗ್‌ ವಿಶ್ವಕಪ್‌: ಭಾರತದ ಶೂಟಿಂಗ್‌ ತಂಡಕ್ಕೆ ರಜತ ಪದಕ

11:55 PM Jul 17, 2022 | Team Udayavani |

ಚಾಂಗ್ವನ್: ಐಎಸ್‌ಎಸ್‌ಎಫ್ ಶೂಟಿಂಗ್‌ ವಿಶ್ವಕಪ್‌ನಲ್ಲಿ ಸಂಜೀವ್‌ ರಜಪೂತ್‌, ಚೈನ್‌ ಸಿಂಗ್‌ ಮತ್ತು ಐಶ್ವರಿ ಪ್ರತಾಪ್‌ ಸಿಂಗ್‌ ತೋಮರ್‌ ಅವರನ್ನು ಒಳಗೊಂಡ ಭಾರತ 3ಪಿ ತಂಡ ವಿಭಾಗದಲ್ಲಿ ಬೆಳ್ಳಿ ಪದಕಕ್ಕೆ ಗುರಿ ಇರಿಸಿದೆ.

Advertisement

ವನಿತೆಯರ 50 ಮೀ. ರೈಫ‌ಲ್‌ 3 ಪೊಸಿಶನ್‌ನಲ್ಲಿ ಅಂಜುಮ್‌ ಮೌದ್ಗಿಲ್‌ ಕಂಚಿನ ಪದಕ ಜಯಿಸಿದರು.

ಭಾರತ ಒಟ್ಟು 11 ಪದಕಗಳೊಂದಿಗೆ (4 ಚಿನ್ನ, 5 ಬೆಳ್ಳಿ, 2 ಕಂಚು) ಅಗ್ರಸ್ಥಾನದಲ್ಲಿ ಮುಂದುವರಿದಿದೆ.

ಅಂಜುಮ್‌ ಮೌದ್ಗಿಲ್‌ 402.9 ಅಂಕಗಳ ಸಾಧನೆಯೊಂದಿಗೆ ತೃತೀಯ ಸ್ಥಾನಿಯಾದರು. ಜರ್ಮನಿಯ ಅನ್ನಾ ಜಾನ್ಸೆನ್‌ ಬಂಗಾರ (407.7) ಮತ್ತು ಇಟಲಿಯ ಬಾರ್ಬರ ಗ್ಯಾಂಬರೊ (403.4) ಬೆಳ್ಳಿ ಪದಕ ಜಯಿಸಿದರು.

ಇದರೊಂದಿಗೆ ಅಂಜುಮ್‌ ಸತತ 2 ವಿಶ್ವಕಪ್‌ ಕೂಟಗಳಲ್ಲಿ ಪದಕ ಜಯಿಸಿದಂತಾಗಿದೆ. ಕಳೆದ ಬಾಕು ಪಂದ್ಯಾವಳಿಯಲ್ಲೂ ಅವರು ಕಂಚು ಗೆದ್ದಿದ್ದರು.

Advertisement

ಪುರುಷರ 3ಪಿ ವಿಭಾಗದ ಅರ್ಹತಾ ಸ್ಪರ್ಧೆಯಲ್ಲೂ ಭಾರತ ತಂಡ ದ್ವಿತೀಯ ಸ್ಥಾನಿಯಾಗಿತ್ತು. ಫೈನಲ್‌ನಲ್ಲಿ ಜೆಕ್‌ ಗಣರಾಜ್ಯದ ಪೀಟರ್‌ ನಿಂಬುರ್ಸ್‌ಕಿ, ಫಿಲಿಪ್‌ ನೆಪೆಚಲ್‌ ಹಾಗೂ ಜಿರಿ ಪ್ರೈವ್ರಾಟ್‌ಸ್ಕಿ ಅವರನ್ನೊಳಗೊಂಡ ತಂಡಕ್ಕೆ ಬಂಗಾರ ಒಲಿಯಿತು. ಅವರು ಭಾರತೀಯ ಸ್ಪರ್ಧಿಗಳ ವಿರುದ್ಧ 16-12 ಅಂತರದ ಮೇಲುಗೈ ಸಾಧಿಸಿದರು.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next