ಇಸ್ರೋ-ನಾಸಾ ಸಹಯೋಗದ “ನೈಸರ್‌ ಮಿಷನ್‌’ಮುಂದಿನ ವರ್ಷ ಉಡಾವಣೆ

ಬೆಂಗಳೂರು: ಹವಾಮಾನ ಬದಲಾವಣೆ, ಸಮುದ್ರ ಮಟ್ಟದ ಏರಿಕೆ, ಹಿಮ ಕರಗುವಿಕೆ ಸಹಿತ ಭೂಮಿಯ ಮೇಲ್ಮೈಯಲ್ಲಿ ಆಗು ತ್ತಿರುವ ಅಪಾಯಕಾರಿ ಏರುಪೇರುಗಳ ಕುರಿತು ಅಧ್ಯಯನ ನಡೆಸುವ ಇಸ್ರೋ ಹಾಗೂ ನಾಸಾ ಸಂಸ್ಥೆಗಳ ಸಹಯೋಗದ ಮೊದಲ ಬಹು ನಿರೀಕ್ಷಿತ “ನೈಸರ್‌-ಮಿಷನ್‌’ ಉಪಗ್ರಹ ಉಡಾವಣೆ 2023ರಲ್ಲಿ ನಡೆಯಲಿದೆ ಎಂದು ಅಮೆರಿಕದ ನಾಸಾ ಸೈನ್ಸ್‌ ಮಿಷನ್‌ನ ಅಸೋಸಿಯೇಟ್‌ ಅಡ್ಮಿನಿಸ್ಟ್ರೇಟರ್‌ ಡಾ| ಥಾಮಸ್‌ ಅವರು ಹೇಳಿದ್ದಾರೆ.

ಇಂಡಿಯನ್‌ ಇನ್ಸಿಸ್ಟಿಟ್ಯೂಟ್‌ ಆಫ್ ಸೈನ್ಸ್‌ನಲ್ಲಿ ಬುಧವಾರ ಜರಗಿದ “ಭಾರತ ಹಾಗೂ ಅಮೆರಿಕ ನಡುವಿನ ಬಾಹ್ಯಾಕಾಶ ಸಹಕಾರ’ ಕುರಿತ ಸಂವಾದದಲ್ಲಿ ಮಾತನಾಡಿದ ಅವರು, “ನೈಸರ್‌ ಮಿಷನ್‌’ನ ಉಡಾವಣೆ ಭಾರತದಲ್ಲಿ ನಡೆಯಲಿದೆ ಎಂದರು.