ಪತಿಯಿಂದ ದೂರ ಇರಲು ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ನಿರ್ಧಾರ ?

ಮುಂಬೈ : ಅಶ್ಲೀಲ ಚಿತ್ರ ನಿರ್ಮಾಣ ಆರೋಪದಲ್ಲಿ ಬಂಧನದಲ್ಲಿರುವ ಉದ್ಯಮಿ ರಾಜ್‌ ಕುಂದ್ರಾರಿಂದ ಪ್ರತ್ಯೇಕವಾಗಿ ಇದ್ದು, ಹೊಸ ಜೀವನ ಕಟ್ಟಿಕೊಳ್ಳಲು ಬಾಲಿವುಡ್‌ ನಟಿ ಶಿಲ್ಪಾ ಶೆಟ್ಟಿ ತೀರ್ಮಾನಿಸಿದ್ದಾರೆ ಎಂದು ಹೇಳಲಾಗಿದೆ.

ಈ ಬಗ್ಗೆ ಬಾಲಿವುಡ್‌ನ‌ಲ್ಲಿ ವದಂತಿಗಳು ಹರಿದಾಡುತ್ತಿವೆ. ಈ ಬಗ್ಗೆ ವೆಬ್‌ಸೈಟ್‌ ಒಂದರಲ್ಲಿ ಶಿಲ್ಪಾ ಶೆಟ್ಟಿ ಅವರ ಆಪ್ತ ಸ್ನೇಹಿತೆಯೊಬ್ಬರನ್ನು ಉಲ್ಲೇಖೀಸಿ ವರದಿ ಪ್ರಕಟವಾಗಿದೆ. ಅದರ ಪ್ರಕಾರ ಶಿಲ್ಪಾ ಶೆಟ್ಟಿಯವರಿಗೆ ಪತಿ ರಾಜ್‌ ಕುಂದ್ರಾರ ವಹಿವಾಟುಗಳು ಗೊತ್ತಿರಲಿಲ್ಲ. ಬೆಲೆಬಾಳುವ ವಜ್ರಗಳು ಮತ್ತು ಇತರ ಅದ್ಧೂರಿ ಉಡುಗೊರೆಗಳು ಬರುತ್ತಿದ್ದವು. ಜು.19ರಂದು ರಾಜ್‌ ಕುಂದ್ರಾ ಬಂಧನದ ಬಳಿಕ ಉಂಟಾದ ಆಘಾತದ ಹಿನ್ನೆಲೆಯಲ್ಲಿ ಪತಿ ಅಕ್ರಮ ವಹಿವಾಟಿನ ಮೂಲಕ ಸಂಗ್ರಹಿಸಿದ ಮೊತ್ತವನ್ನು ಬಳಕೆ ಮಾಡದಿರಲು ಮುಂದಾಗಿದ್ದಾರೆ ಮತ್ತು ಮಕ್ಕಳ ಜತೆಗೆ ಪ್ರತ್ಯೇಕವಾಗಿರಲು ನಿರ್ಧರಿಸಿದ್ದಾರೆ ಎಂದು ಹೇಳಿಕೊಳ್ಳಲಾಗಿದೆ.

ಇದನ್ನೂ ಓದಿ :ತೇಜ್‌ಪಾಲ್‌ ಲೈಂಗಿಕ ದೌರ್ಜನ್ಯ ಪ್ರಕರಣ: ಸೆಪ್ಟೆಂಬರ್ 20ಕ್ಕೆ ವಿಚಾರಣೆ ಮುಂದೂಡಿಕೆ

ಸಿನಿಮಾ ನಟಿಯಾಗಿ ಮತ್ತು ಕೆಲವೊಂದು ರಿಯಾಲಿಟಿ ಶೋಗಳಲ್ಲಿ ತೀರ್ಪುಗಾರ್ತಿಯಾಗಿ ಅವರಿಗೆ ಉತ್ತಮ ರೀತಿಯಲ್ಲಿ ಸಂಭಾವನೆ ಬರುತ್ತಿವೆ ಎಂದೂ ಸ್ನೇಹಿತೆ ಹೇಳಿಕೊಂಡಿದ್ದಾರೆ.