Advertisement

ವಾಟ್ಸ್‌ಆ್ಯಪ್‌, ಜೂಮ್‌ಗೂ ಪರವಾನಿಗೆ ಕಡ್ಡಾಯ?

11:42 AM Sep 24, 2022 | Team Udayavani |

ಸಾಮಾಜಿಕ ಜಾಲತಾಣಗಳು ಮತ್ತು ಒಟಿಟಿ ಆ್ಯಪ್‌ ಗಳ ಮೇಲೆ ಹದ್ದುಗಣ್ಣಿರಿಸುವ ನಿಟ್ಟಿನಲ್ಲಿ ಕೇಂದ್ರ ಸರಕಾರ ಮಹತ್ವದ ಹೆಜ್ಜೆ ಇರಿಸಿದೆ. ಇವುಗಳಿಗೆ ಪರವಾನಿಗೆಯನ್ನು ಕಡ್ಡಾಯಗೊಳಿಸುವ ಸಂಬಂಧ ಕರಡು ಮಸೂದೆಯನ್ನು ರೂಪಿಸಿ, ಬಿಡುಗಡೆ ಮಾಡಿದೆ.

Advertisement

ವಾಟ್ಸ್‌ಆ್ಯಪ್‌, ಜೂಮ್‌, ಸ್ಕೈಪ್‌, ಗೂಗಲ್‌ ಡ್ವೋಗಳಂತಹ ಇಂಟರ್‌ನೆಟ್‌ ಕಾಲಿಂಗ್‌ ಹಾಗೂ ಮೆಸೇಜಿಂಗ್‌ ಆ್ಯಪ್‌ಗ್ಳು ಇನ್ನು ಮುಂದೆ ಕೇಂದ್ರ ಸರಕಾರದಿಂದ ಪರವಾನಿಗೆ ಪಡೆಯಬೇಕಾಗುತ್ತದೆ. ಅಂಥದ್ದೊಂದು ಬದಲಾವಣೆ ತರುವುದಕ್ಕೆ ಸರಕಾರ ಸಜ್ಜಾಗಿದೆ.

ದೂರಸಂಪರ್ಕ ಕರಡು ಮಸೂದೆ 2022ನ್ನು ಇತ್ತೀಚೆಗೆ ಬಿಡುಗಡೆ ಮಾಡಲಾಗಿದ್ದು, ಅದರಲ್ಲಿ ಒಟಿಟಿ ಸೇವೆಗಳ ಆ್ಯಪ್‌ ಗಳನ್ನು ದೂರಸಂಪರ್ಕ ವ್ಯಾಪ್ತಿಗೆ ತರುವುದಾಗಿ ಉಲ್ಲೇಖೀಸ­ಲಾಗಿದೆ. ಕಾಲ್‌ ಮತ್ತು ಮೆಸೇಜ್‌ ಸೌಲಭ್ಯ ನೀಡುವುದಕ್ಕೆ ಸಂಸ್ಥೆಗಳು ಪರವಾನಿಗೆ ಪಡೆಯಬೇಕಾಗುತ್ತದೆ. ಒಂದು ವೇಳೆ ಪರವಾನಿಗೆಯನ್ನು ವಾಪಸು ಕೊಡುವುದಾದರೆ ಆ ಹಣವನ್ನು ವಾಪಸು ಕೊಡಲಾಗುವುದು. ಪರವಾನಿಗೆ ಶುಲ್ಕ, ಪ್ರವೇಶ ಶುಲ್ಕ ಸೇರಿದಂತೆ ವಿವಿಧ ಶುಲ್ಕಗಳನ್ನು ಕೇಂದ್ರ ಮನ್ನಾ ಕೂಡ ಮಾಡಬಹುದು ಎಂದು ಕರಡು ಮಸೂದೆಯಲ್ಲಿ ಉಲ್ಲೇಖೀಸಲಾಗಿದೆ.

ಈ ಬಗ್ಗೆ ಅ.20ರ ಒಳಗಾಗಿ ಸಲಹೆ ನೀಡು­ವಂತೆಯೂ ಕೇಂದ್ರ ಸರಕಾರ ಕೋರಿದೆ. ಇದೇ ವೇಳೆ ವಾಟ್ಸ್‌ಆ್ಯಪ್‌, ಸಿಗ್ನಲ್‌ ಮೂಲಕ ಮಾಡಲಾಗುವ ಕರೆಗಳನ್ನು ಛೇದಿಸಲು ಸರಕಾರಕ್ಕೆ ಮಸೂದೆಯಲ್ಲಿ ಅಧಿಕಾರ ಕಲ್ಪಿಸುವ ಬಗ್ಗೆಯೂ ಮಸೂದೆಯಲ್ಲಿ ಪ್ರಸ್ತಾವಿಸಲಾಗಿದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next