ಮುಂಬೈ ತಂಡಕ್ಕೆ ಕುಮಾರ್‌ ಕಾರ್ತಿಕೇಯ

ಮುಂಬಯಿ: ಮುಂಬೈ ಇಂಡಿಯನ್ಸ್‌ ತಂಡದ ಎಡಗೈ ಮಧ್ಯಮ ವೇಗಿ ಅರ್ಷದ್‌ ಖಾನ್‌ ಗಾಯಾಳಾಗಿ 2022ರ ಐಪಿಎಲ್‌ನಿಂದ ಹೊರಬಿದ್ದಿದ್ದಾರೆ. ಇವರ ಬದಲು ಮಧ್ಯಪ್ರದೇಶದ ಎಡಗೈ ಸ್ಪಿನ್ನರ್‌ ಕುಮಾರ್‌ ಕಾರ್ತಿಕೇಯ ಅವರನ್ನು ಸೇರಿಸಿಕೊಳ್ಳಲಾಗಿದೆ.

24 ವರ್ಷದ ಅರ್ಷದ್‌ ಖಾನ್‌ ಮುಂಬೈ ತಂಡದಲ್ಲಿದ್ದರೂ ಇನ್ನೂ ಐಪಿಎಲ್‌ ಪದಾರ್ಪಣೆ ಮಾಡಿರಲಿಲ್ಲ. 3 ಲಿಸ್ಟ್‌ ಎ ಪಂದ್ಯಗಳನ್ನಷ್ಟೇ ಆಡಿದ ಅನುಭವಿ. ಕಳೆದ ಮೆಗಾ ಹರಾಜಿನಲ್ಲಿ 20 ಲಕ್ಷ ರೂ. ಮೂಲ ಬೆಲೆಗೆ ಮುಂಬೈ ಪಾಲಾಗಿದ್ದರು. ಈಗ ಒಂದೂ ಪಂದ್ಯವಾಡದೇ ಹೊರಬಿದ್ದಿದ್ದಾರೆ.

ಕಾರ್ತಿಕೇಯ ಕೂಡ 20 ಲಕ್ಷ ರೂ. ಮೂಲ ಬೆಲೆಗೆ ಮುಂಬೈ ಪಾಲಾಗಿದ್ದಾರೆ. 9 ಪ್ರಥಮ ದರ್ಜೆ ಪಂದ್ಯ, 19 ಲಿಸ್ಟ್‌ ಎ ಪಂದ್ಯಗಳನ್ನು ಆಡಿದ ಅನುಭವಿ. ಕ್ರಮವಾಗಿ 35 ಹಾಗೂ 18 ವಿಕೆಟ್‌ ಉರುಳಿಸಿದ್ದಾರೆ.